ரூ.1.65 கோடிக்கு கொப்பரை ஏலம்

பெருந்துறை:

பெருந்துறை வேளாண்மை பொருள்கள் உற்பத்தியாளர்கள் கூட்டுறவு விற்பனைச் சங்கத்தில் கொப்பரை ஏலம் நடைபெற்றது.

பெருந்துறை சுற்று வட்டார பகுதிகளைச் சேர்ந்த விவசாயிகள், 4,498 மூட்டைகளில் 2 லட்சத்து 17 ஆயிரம் கிலோ கொப்பரையை விற்பனைக்குக் கொண்டு வந்திருந்தனர்.

இதில் முதல் தர கொப்பரை குறைந்தபட்சமாக கிலோ, ரூ.72.37-க்கும், அதிகபட்சமாக ரூ.81.99-க்கும் விற்பனையாயின.

2-ம் தரக் கொப்பரை குறைந்த பட்சமாக ரூ.38-க்கும், அதிகபட்சமாக ரூ.76.89-க்கும் விற்பனையாயின.

மொத்தம் ரூ.1.65 கோடிக்கு கொப்பரை விற்பனை நடைபெற்றது.