கம்பைநல்லூர் வாரச்சந்தையில் ரூ.13 லட்சத்திற்கு ஆடுகள் விற்பனை

மொரப்பூர்,

தருமபுரி மாவட்டம், கம்பைநல்லூர் வாரந்தோறும் வெள்ளி கிழமைகளில் சந்தை நடைபெற்று வருகிறது.

மாவட்டத்தில் பெரிய சந்தைகளில் ஒன்றான இந்த சந்தையில் வாரந்தோறும் சுமார் 70க்கும் மேற்பட்ட கடைகள் போடப்படுகிறது.

இங்கு நடைபெறும் ஆடு, கோழி உள்ளிட்டவற்றை விவசாயிகளும், ஆடு வளர்ப்பவர்களும், விற்பனைக்கு கொண்டு வந்தனர். ஆடுகளை வாங்க ஊத்தங்கரை, திருப்பத்தூர், ஆம்பூர், காரிமங்கலம், கிருஷ்ணகிரி, தர்மபுரி, சேலம் உள்ளிட்ட பல்வேறு இடங்களில் இருந்து வியாபாரிகள் வந்திருந்தனர்.

நேற்று நடந்த சந்தையில் 310-க்கும் மேற்பட்ட ஆடுகளை விவசாயிகள் கொண்டு வந்தனர். ஒரு ஆடு விலை ரூ. 5,000 முதல் ரூ.10,200 வரையும் விற்பனையானது, மொத்தம் ரூ.13 லட்சத்திற்கு விற்பனை செய்யப்பட்டது என வியாபாரிகள் தெரிவித்தனர்.