தங்கம் விலை பவுனுக்கு ரூ.200 குறைந்தது

சென்னை:

தங்கம் விலை கடந்த வாரம் தொடர்ந்து உயர்ந்து கொண்டே வந்தது. கடந்த 31-ந்தேதி இதுவரை இல்லாத வகையில் பவுன் ரூ.44,720 ஆக அதிகரித்தது. அதன்பிறகு தங்கம் விலை குறைந்து வருகிறது.

நேற்று ஒரு பவுன் தங்கம் ரூ.44,480-க்கு விற்கப்பட்டது. இன்று பவுனுக்கு ரூ.200 குறைந்து ரூ.44,280-க்கு விற்கப்படுகிறது. ஒரு கிராம் தங்கம் நேற்று ரூ.5560-க்கு விற்கப்பட்டது. இன்று கிராமுக்கு ரூ.25 குறைந்து ரூ.5535-க்கு விற்கப்படுகிறது.

இதேபோல் வெள்ளி விலையும் இன்று குறைந்து உள்ளது. நேற்று ஒரு கிராம் வெள்ளி ரூ.77.70-க்கு விற்கப்பட்டது. இன்று கிராமுக்கு 60 காசுகள் குறைந்து ரூ.77.10-க்கு விற்கப்படுகிறது. ஒரு கிலோ பார் வெள்ளி ரூ.77,100-க்கு விற்பனையாகிறது.