மனநலம் பாதிக்கப்பட்டவர்களுக்கு தின்பண்டங்கள் வழங்கப்பட்டது.
மனநலம் பாதிக்கப்பட்டவர்களுக்கு சிறப்பு சட்ட விழிப்புணர்வு முகாம்
- உணவு, உடை மற்றும் தங்கும் வசதி உள்ளிட்டவைகளை குறித்து காப்பகத்தினரிடம் கேட்டறிந்தார்.
- அங்குள்ள அனைத்து மனநலநோயாளிகளுக்கு திண்பண்டங்களை வழங்கினார்.
தஞ்சாவூர்:
தமிழ்நாடு மாநில சட்டப்பணிகள் ஆணைக்கு ழுவின் உத்தரவின் படியும் தஞ்சாவூர் மாவட்ட சட்ட ப்பணிகள் ஆணைக்குழுவின் தலைவரும் மாவட்ட முதன்மை நீதிபதியுமான ஜெசின்தா மார்டின் தலைமையில் மாவட்ட சட்டப்பணிகள் ஆணைக்குழு சார்பில் மனநலம் பாதிக்கப்பட்ட வர்களுக்கான சிறப்பு சட்ட விழிப்புணர்வு முகாமானது தஞ்சாவூரில் உள்ள அன்பாலயம் மனநல காப்பகத்தில் நடைபெற்றது.
அப்போது அன்பாலயம் மனநல காப்பகத்தில் இருக்கும் மனநோயாளிகளுக்கு அளிக்கப்பட்டுள்ள அடிப்படை வசதிகளான உணவு, உடை மற்றும் தங்கும் வசதி உள்ளிட்டவைகளை காப்பகத்தின் அலுவல ர்களிடம் மாவட்ட முதன்மை நீதிபதி விசாரித்தார். மேலும் அவர்களுக்கு அளிக்கப்பட்டுள்ள பாதுகாப்பு வசதிகள் மற்றும் மருத்துவ பரிசோதனைகள் குறித்தும் விசாரித்தார்.
அங்கிருக்கும் மனநோயாளிகளுக்கு ஏதேனும் சட்ட உதவிகள் தேவைப்பட்டால் தஞ்சாவூர் மாவட்ட சட்டப்பணிகள் ஆணைக்குழுவினை நாடி உதவிபெறலாம் என்று கூறினார். அங்குள்ள அனைத்து மனநலநோயாளிகளுக்கு திண்பண்டங்களை வழங்கினார்.
இம்முகாமில் தஞ்சாவூர் மாவட்ட சட்டப்ப ணிகள் ஆணைக்குழுவின் செயலாளரும் சார்பு நீதிபதியுமான இந்திராகாந்தி, மாவட்ட சட்டப்பணிகள் ஆணைக்குழுவின் நிர்வாக அலுவலர்சந்தோஷ்குமார் மற்றும் பலர் கலந்து கொண்டனர்.