இந்திய கிரிக்கெட் வீரர்களுடன் 'லகான்' பட போஸ்டர்

'லகான்' பட போஸ்டரை ஏ.ஐ தொழில்நுட்பம் மூலம் மாற்றி அமைத்து இந்திய கிரிக்கெட் வீரர்களின் முகங்கள் இடம் பெறுமாறு அமைக்கப்பட்டுள்ள புகைப்படங்கள் சமூக வலைத்தளத்தில் வெளியாகி வைரலாகி வருகிறது.

அமெரிக்காவில் நடந்து வரும் டி-20 உலகக்கோப்பை தொடர் விறுவிறுப்பை எட்டி உள்ளது. இதில் இந்தியா, ஆஸ்திரேலியா உள்ளிட்ட அணிகள் அடுத்த சுற்று வாய்ப்பை உறுதி செய்துள்ளன.

இந்தநிலையில் அமீர்கான் நடிப்பில் வெளியான பிரபல திரைப்படமான 'லகான்' படத்தின் போஸ்டர்களை செயற்கை நுண்ணறிவு தொழில்நுட்பம் மூலம் மாற்றியமைக்கப்பட்டு ரோகித் சர்மா, கோலி, பாண்டியா உள்ளிட்ட இந்திய கிரிக்கெட் வீரர்களின் முகங்கள் சித்தரிப்புடன் சமூக வலைத்தளத்தில் பதிவேற்றப்பட்டுள்ளது. இதனை வலைத்தளவாசிகள் கொண்டாடி வருகிறார்கள்.

2001-ம் ஆண்டு வெளியான 'லகான்', ஆங்கிலேயர் ஆட்சி காலத்தில் நடப்பதுபோலவும் ஆங்கிலேயர்களுடன் நம் நாட்டுக்காரர்கள் கிரிக்கெட் விளையாடி வென்று வரி விலக்கு பெறுவது தொடர்பான திரைக்கதையை கொண்டிருக்கும்.