ஜேகர் அலி, மொமினுல் ஹக் அரை சதம்: வங்கதேசம் முதல் இன்னிங்சில் 269/9
- முதலில் ஆடிய வெஸ்ட் இண்டீஸ் முதல் இன்னிங்சில் 450 ரன்களுக்கு டிக்ளேர் செய்தது.
- தொடர்ந்து ஆடிய வங்கதேசம் முதல் இன்னிங்சில் 269 ரன்கள் எடுத்துள்ளது.
ஆன்டிகுவா:
வெஸ்ட் இண்டீஸ், வங்கதேச அணிகளுக்கு இடையிலான முதல் டெஸ்ட் போட்டி ஆன்டிகுவாவில் நடந்து வருகிறது. டாஸ் வென்ற வங்கதேசம் பவுலிங் தேர்வு செய்தது.
அதன்படி, முதலில் ஆடிய வெஸ்ட் இண்டீஸ் அணி முதல் இன்னிங்சில் 9 விக்கெட்டுக்கு 450 ரன்கள் எடுத்து டிக்ளேர் செய்தது. ஜஸ்டின் கிரீவ்ஸ் 115 ரன்னுடன் ஆட்டமிழக்காமல் உள்ளார். மைக்கேல் லூயிஸ் 97 ரன்னும், அலிக் அதான்ஸ் 90 ரன்னிலும் ஆட்டமிழந்தனர். கீமர் ரோச் 47 ரன்னில் அவுட்டானார்.
வங்கதேசம் சார்பில் ஹசன் மகமுது 3 விக்கெட்டும், தஸ்கின் அகமது, மெஹிதி ஹசன் தலா 2 விக்கெட்டும் வீழ்த்தினர்.
இதையடுத்து, வங்கதேசம் அணி முதல் இன்னிங்சில் களமிறங்கியது. மொமினுல் ஹக் பொறுப்புடன் ஆடி அரை சதமடித்து அவுட்டானார். லிட்டன் தாஸ் 40 ரன்னில் ஆட்டமிழந்தார்.
ஜேகர் அலி சிறப்பாக ஆடி அரை சதம் கடந்தார். அவர் 53 ரன்னில் வெளியேறினார்.
இறுதியில், வங்கதேசம் முதல் இன்னிங்சில் 9 விக்கெட்டுக்கு 269 ரன்கள் எடுத்துள்ளது. இன்னும் 181 ரன்கள் பின்தங்கியுள்ளது.
வெஸ்ட் இண்டீஸ் சார்பில் அல்ஜாரி ஜோசப் 3 விக்கெட்டும், ஜெய்டன் சீல்ஸ், ஜஸ்டின் கிரீவ்ஸ் தலா 2 விக்கெட் வீழ்த்தினர்.