இந்தியாவின் சிறந்த விமான சேவை நிறுவனம் எது தெரியுமா?

புதுடெல்லி:

கொரோனா வைரஸ் தொற்று காலத்துக்குப் பிறகு வெளிநாடுகள் மற்றும் உள்நாட்டு விமான சேவைகள் தற்போது சகஜ நிலைமைக்கு மீண்டு வந்துள்ளன.

இந்நிலையில், உலகின் சிறந்த விமான சேவை நிறுவனங்களுக்கு ஸ்கைட்ராக்ஸ் வேர்ல்ட் ஏர்லைன் விருதுகள் 2024 அறிவிக்கப்பட்டுள்ளன. ஆன்லைன் வாடிக்கையாளர் கருத்துக்கணிப்பின் மூலம் வேர்ல்ட் ஏர்லைன் விருதுகள் தீர்மானிக்கப்பட்டன.

இந்தப் பட்டியலில் உலகின் சிறந்த விமான சேவை நிறுவனமாக கத்தார் ஏர்வேஸ் தேர்வு செய்யப்பட்டுள்ளது.

சிங்கப்பூர் ஏர்லைன்ஸ் மற்றும் எமிரேட்ஸ் முறையே இரண்டாவது மற்றும் மூன்றாவது இடங்களில் உள்ளன.

இந்தியாவைச் சேர்ந்த டாடா நிறுவனத்தின் விமான சேவையான விஸ்தாரா பட்டியலில் 16-வது இடத்தைப் பெற்றுள்ளது. மேலும், சிறந்த ஊழியர்கள் சேவை விருதுக்கும் விஸ்தாரா ஏர்லைன் நிறுவனம் தேர்வு செய்யப்பட்டுள்ளது.

இந்தியா மற்றும் தெற்கு ஆசியாவின் சிறந்த விமான சேவை நிறுவனமாகவும் விஸ்தார ஏர்லைன்ஸ் நிறுவனம் இடம்பிடித்துள்ளது.