உலக மல்யுத்த போட்டி - வெண்கலம் வென்றார் இந்திய வீராங்கனை அன்திம் பன்ஹால்

பெல்கிரேடு:

உலக மல்யுத்த சாம்பியன்ஷிப் போட்டி செர்பியா தலைநகர் பெல்கிரேடில் நடந்து வருகிறது. பெண்களுக்கான பிரீஸ்டைல் 53 கிலோ எடைப்பிரிவில் வெண்கலப் பதக்கத்துக்கான போட்டி இன்று நடைபெற்றது.

இதில் 19 வயது இந்திய வீராங்கனை அன்திம் பன்ஹால், 2 முறை ஐரோப்பிய சாம்பியன் ஜோனா மால்கிரேன் (ஸ்வீடன்) எதிர்கொண்டார்.

20 வயதுக்கு உட்பட்டவர்களுக்கான உலக சாம்பியன்ஷிப்பில் 2 முறை சாம்பியன் பட்டம் வென்றவரான அரியானாவை சேர்ந்த அன்திம் தொடக்கம் முதல் சிறப்பாக ஆடினார்.

இறுதியில், 16-6 என்ற புள்ளி கணக்கில் வென்று வெண்கலப் பதக்கம் பெற்றார். மேலும், பாரிசில் அடுத்த ஆண்டு நடைபெறும் ஒலிம்பிக் போட்டிக்கும் தகுதி பெற்றார்.