ஆசிய விளையாட்டு போட்டி - ஹாக்கியில் வங்காளதேசத்தை 12-0 என வீழ்த்தியது இந்தியா

பீஜிங்:

ஆண்கள் ஹாக்கி போட்டியில் இந்திய அணி வங்காளதேசத்துடன் மோதியது. இதில் தொடக்கம் முதல் இந்திய வீரர்கள் அதிரடியாக ஆடினர். இதனால் முதல் பாதி முடிவில் இந்தியா 6-0 என முன்னிலை வகித்தது. இரண்டாவது பாதியிலும் இந்திய வீரர்கள் ஆதிக்கம் செலுத்தினர்.

இறுதியில், இந்திய அணி 12-0 என்ற கோல் கணக்கில் அபார வெற்றி பெற்றது. ஹர்மன்பிரித் சிங், மன்தீப் சிங் ஆகியோர் ஹாட்ரிக் கோல் அடித்தனர்.

நடப்பு தொடரில் இந்திய அணி தான் ஆடிய 5 போட்டிகளிலும் வெற்றி பெற்றுள்ளது குறிப்பிடத்தக்கது. மொத்தம் 58 கோல்களை அடித்து அசத்தியது. இதன்மூலம் இந்திய ஹாக்கி அணி அரையிறுதிக்கு முன்னேறியது.