ஜூனியர் ஆசிய கோப்பை ஹாக்கி: ஜப்பானை 3-2 என வீழ்த்தி திரில் வெற்றி பெற்றது இந்தியா

மஸ்கட்:

10-வது ஜூனியர் ஆசிய கோப்பை ஹாக்கி போட்டி (21 வயதுக்கு உட்பட்டோர்) ஓமன் தலைநகர் மஸ்கட்டில் நடந்து வருகிறது. டிசம்பர் 4-ம் தேதி வரை நடைபெறும் இந்தப் போட்டியில் பங்கேற்றுள்ள 10 அணிகள் இரு பிரிவாக பிரிக்கப்பட்டுள்ளன.

ஏ பிரிவில் நடப்பு சாம்பியன் இந்தியா, தென் கொரியா, ஜப்பான், சீனதைபே, தாய்லாந்தும், பி பிரிவில் பாகிஸ்தான், மலேசியா, வங்காளதேசம், ஓமன், சீனாவும் இடம் பிடித்துள்ளன.

நேற்று நடந்த முதல் லீக் ஆட்டத்தில் இந்தியா தாய்லாந்தை வீழ்த்தியது.

இந்நிலையில், இந்திய அணி தனது 2வது லீக் ஆட்டத்தில் ஜப்பானைச் சந்தித்தது. இதில் இந்தியா 3-2 என திரில் வெற்றி பெற்றது.

சனிக்கிழமை நடைபெறும் அடுத்த லீக் போட்டியில் இந்தியா சீன தைபே அணியை எதிர்கொள்கிறது.