திண்டுக்கல் மாவட்டத்திற்கு மக்கள் எளிதில் பயன்படுத்த நவீன இணையதளம்

திண்டுக்கல்:

திண்டுக்கல் மாவட்டத்திற்கான இணைய தளம் (https://dindigul.nic.in) என்ற இணைப்பின் மூலம் எளிதாக காணலாம். மாவட்டத்தில் பல்வேறு அரசு துறைகளில் செயல்பாடுகள், தமிழகஅரசால் செயல் படுத்தப்படும் நலத்திட்டங்கள் குறித்தும் தொடர்புடைய துறைகளால் வெளியிடப்படும் ஒப்பந்தபுள்ளி விரவங்கள், பத்திரிகை செய்திகள் மற்றும் பிற அரசுத்துறை சார்ந்த செய்திகளை தெரிந்து கொள்ளலாம்.

ஸ்மார்ட் போன், டேப்லெட், லேப்டாப் உள்ளிட்ட அனைத்து தகவல் தொடர்பு சாதனங்கள் மூலம் இந்த வலைதளத்தை தொடர்பு கொள்ளலாம்.

தமிழ் மற்றும் ஆங்கில மொழியில் வடிவமைக்கப்பட்ட இந்த வலைதளம் இந்திய அரசின் தகவல் தொடர்பு விதிமுறைகளை முழுமையாக பின்பற்றி அனைத்து இணையதள பாதுகாப்பு அம்சங்களுடன் உருவாக்கப்பட்டுள்ளது.

மாவட்ட நிர்வாகத்தின் வெளிப்படையான செயல்பாடுகளை உறுதிபடுத்தும் வகையில் உருவாக்கப்பட்டுள்ள இந்த வலைதளத்தை பயன்படுத்தி பொதுமக்கள் தங்கள் இருப்பிடத்தில் இருந்தவாறே அரசுத்துறையின் பல்வேறு சேவைகளையும், விவரங்களையும் பெற்று பயன் அடையலாம்.