தங்கம் விலை இன்றும் அதிரடி குறைவு - 2 நாட்களில் ரூ.1,760 குறைந்துள்ளது

சென்னை:

சென்னையில் தொடர்ந்து உச்சம் தொட்டு வந்த தங்கத்தின் விலை கடந்த 17-ந்தேதி ஒரு சவரன் ரூ.56 ஆயிரத்துக்கு கீழ் சென்றது. பொது மக்கள் மகிழ்ச்சி அடைந்தனர். ஆனால், 19-ந்தேதி முதல் தங்கத்தின் விலை மீண்டும் உயர தொடங்கியது. படிப்படியாக உயர்ந்து கடந்த 21-ந்தேதி ஒரு சவரன் தங்கம் ரூ.57 ஆயிரத்து 120-க்கு விற்பனையானது.

இந்த விலை அடுத்த 2 நாட்களில் அதாவது 23-ந்தேதி (சனிக்கிழமை) ஒரு சவரன் ரூ.58 ஆயிரத்தை தாண்டியது. அன்றைய தினம் ரூ.58 ஆயிரத்து 400-க்கு ஒரு பவுன் தங்கம் விற்பனை செய்யப்பட்டது. இந்த நிலையில், ஒரு பவுன் தங்கத்தின் விலை நேற்று ரூ.800 குறைந்தது. அந்த வகையில் ஒரு கிராம் ரூ.100 குறைந்து ரூ.7 ஆயிரத்து 200-க்கும், ஒரு சவரன் தங்கம் ரூ.57 ஆயிரத்து 600-க்கு விற்பனையானது.

இந்த நிலையில், இன்றும் தங்கம் விலை அதிரடியாக குறைந்து பொதுமக்களுக்கு மகிழ்ச்சி அளித்துள்ளது. கிராமுக்கு ரூ.120 குறைந்து ஒரு கிராம் ரூ. 7,080-க்கும் சவரனுக்கு ரூ.960 குறைந்து ஒரு சவரன் ரூ.56,640-க்கும் விற்பனையாகிறது.

இதனால் கடந்த இரண்டு நாட்களில் தங்கம் சவரனுக்கு ரூ.1,760 குறைந்துள்ளது குறிப்பிடத்தக்கது.

அதேநேரம், கடந்த 7 நாட்களாக மாற்றமின்றி விற்பனையான வெள்ளியின் விலையும் அதிரடியாக குறைந்துள்ளது. கிராமுக்கு 3 ரூபாய் குறைந்து ஒரு கிராம் ரூ.98-க்கும், ஒரு கிலோ 98 ஆயிரம் ரூபாய்க்கும் விற்பனை செய்யப்படுகிறது.

கடைசி ஐந்து நாள் தங்கம் விலை நிலவரம்:-

25-11-2024- ஒரு பவுன் (22 காரட்) ரூ. 57,600

24-11-2024- ஒரு பவுன் (22 காரட்) ரூ. 58,400

23-11-2024- ஒரு பவுன் (22 காரட்) ரூ. 58,400

22-11-2024- ஒரு பவுன் (22 காரட்) ரூ. 57,800

21-11-2024- ஒரு பவுன் (22 காரட்) ரூ. 57,160

கடைசி ஐந்து நாள் வெள்ளி விலை நிலவரம்:-

25-11-2024- ஒரு கிராம் ரூ. 101

24-11-2024- ஒரு கிராம் ரூ. 101

23-11-2024- ஒரு கிராம் ரூ. 101

22-11-2024- ஒரு கிராம் ரூ. 101

21-11-2024- ஒரு கிராம் ரூ. 101