சகோதரி வீட்டில் தூக்கு போட்டு தற்கொலை செய்த தொழிலாளி

புதுச்சேரி:

திண்டிவனம் அருகே கோவடி கிராமத்தை சேர்ந்தவர் ஆறுமுகம் (வயது52). கூலி தொழிலாளி. மது குடிக்கும் பழக்கமுள்ள இவர் அடிக்கடி குடும்பத்தினரிடம் குடித்து விட்டு இறந்து விடுவேன் என்று கூறி வந்தார்.

இந்த நிலையில் கடந்த சில நாட்களுக்கு முன்பு ஆறுமுகம் பாகூர் அருகே சோரியாங்குப்பத்தில் உள்ள தனது சகோதரி சகுந்தலா வீட்டில் தங்கி இருந்து வந்தார்.

 ஆறுமுகம் அங்குள்ள மது கடையில் மது குடிக்க சென்றார். அப்போது குடி போதையில் அங்கிருந்த வர்களை அவர் திட்டினார்.

பின்னர் வீட்டுக்கு வந்த ஆறுமுகம் தனது சகோதரியிடம் எனக்குள்ள பிரச்சினைகளை யாரும் கேட்கமாட்டீர்களா? என வாக்குவாதம் செய்தார். குடிபோதையில் ஆறுமுகம் இருந்ததால் காலையில் பேசிக்கொள்ளலாம் என்று அவரை சகுந்தலா சமாதானம் செய்து விட்டு தூங்க சென்றார்.  பார்த்த போது ஆறுமுகம் வீட்டின் மாடி அருகில் இருந்த மாமரத்தில் வேட்டியால் தூக்கு போட்டு பிணமாக தொங்கினார்.

இதுகுறித்து அவரது மகன் சண்முகவேல் கொடுத்த புகாரின் பேரில் பாகூர் போலீசார் வழக்கு பதிவு செய்து விசாரணை நடத்தி வருகிறார்கள்.