விம்பிள்டன் டென்னிஸ்: அரையிறுதிக்கு முன்னேறினர் மெத்வதேவ், அல்காரஸ்

லண்டன்:

விம்பிள்டன் டென்னிஸ் போட்டி லண்டனில் நடைபெற்று வருகிறது.

இதில் ஆண்கள் ஒற்றையர் பிரிவு காலிறுதி சுற்றில் ரஷிய வீரர் டேனில் மெத்வதேவ், நம்பர் 1 வீரரான இத்தாலியின் ஜானிக் சின்னருடன் மோதினார்.

இதில் மெத்வதேவ் 6-7 (7-9), 6-4, 7-6 (7-4), 2-6, 6-3 என்ற செட் கணக்கில் வென்று அரையிறுதி சுற்றுக்கு முன்னேறினார்.

மற்றொரு போட்டியில் ஸ்பெயின் வீரர் கார்லோஸ் அல்காரஸ், அமெரிக்காவின் டாமி பாலுடன் மோதினார். இதில் அல்காரஸ் 5-7, 6-4, 6-2, 6-2 என்ற செட் கணக்கில் வென்று அரையிறுதி சுற்றுக்கு முன்னேறினார்.

நாளை மறுதினம் நடைபெறும் அரையிறுதியில் அல்காரஸ், மெத்வதேவுடன் மோதுகிறார்.