இந்தவார ராசிபலன்

1.7.2024 முதல் 7.7.2024 வரை

எதிர்பாராத புதிய திருப்பங்கள் உண்டாகும் வாரம். சனி பகவான் வக்ரம் பெற்றதால் ஏழரைச் சனியின் தாக்கம் வெகுவாக குறையும். பய உணர்வு, நோய் தாக்கம், சொத்துக்களால் பயனற்ற நிலை, வறுமை, உறவுகளால் ஏற்பட்ட மன வேதனை போன்ற பாதிப்புகள் விலகும். செயற்கை முறை கருத்தரிப்பை நாடியவர்களுக்கு குலதெய்வமே குழந்தையாகப் பிறக்கும். அலுவலகத்தில் மகிழ்ச்சியான போக்கு நீடிக்கும். வேலையாட்கள் விசுவாசமாக நடந்து கொள்வார்கள். புதிய தொழில் தொடங்கும் முயற்சிகள் சாதகமாகும். தொழில் முன்னேற்றமும் லாபமும் மகிழ்சியைத் தரும். எதிர்காலத் தேவைக்காக திட்டமிடுவீர்கள்.

வாழ்க்கை துணைக்கு விரும்பிய உத்தியோக உயர்வு உண்டு. தாயின் ஆரோக்கியத்தில் அதிக கவனம் செலுத்த வேண்டும். சுப விசேஷங்கள் நடக்கும். எதிர்பாராத சில உதவிகள் கிடைக்கும். மனதை உறுத்திய பிரச்சினைகளுக்கு தெளிவான முடிவுகள் எடுப்பீர்கள்.சிலருக்கு பல் தொந்தரவு ஏற்படலாம். பெரியோர்களின் ஆலோசனைகள் மனதளவில் மாற்றத்தை ஏற்படுத்தும். உயர்கல்வி முயற்சி வெற்றி தரும். சனிக்கிழமை ராகு வேளையில் காளியை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406