டாடா மோட்டார்ஸ் நிறுவனம் தனது முற்றிலும் புதிய கர்வ் கூப் எஸ்யுவி மாடலை சமீபத்தில் அறிமுகம் செய்தது. புதிய டாடா கர்வ் மாடலின் விலை ரூ. 10 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. இது அறிமுக விலை ஆகும். இந்த விலை அக்டோபர் 31 ஆம் தேதிக்குள் மேற்கொள்ளப்படும் முன்பதிவுகளுக்கு மட்டுமே பொருந்தும்.
இந்தியாவில் பல்வேறு விற்பனை மையங்களில் டாடா கர்வ் மாடல் வந்தடைந்துள்ளது. மேலும், இந்த காருக்கான டெஸ்ட் டிரைவ்கள் விரைவில் துவங்கும் என்று தெரிகிறது. புதிய டாடா கர்வ் மாடலுக்கான முன்பதிவுகள் துவங்கி நடைபெற்று வருகின்றன. இந்த காரின் வினியோகம் செப்டம்பர் 12 ஆம் தேதி துவங்க உள்ளது.
புதிய டாடா கர்வ் மாடலில் ஸ்லோபிங் ரூஃப்லைன், ஃபிளஷ் ஃபிட் டோர் ஹேண்டில்கள், ஸ்ப்லிட் ஹெட்லேம்ப்கள், எல்இடி லைட் பார்கள், எல்இடி டெயில் லைட்கள், மல்டி-ஸ்போக் அலாய் வீல்கள் வழங்கப்படுகின்றன. உள்புறத்தில் பானரோமிக் சன்ரூஃப், வென்டிலேட் செய்யப்பட்ட முன்புற இருக்கைகள் வழங்கப்படுகின்றன.
இத்துடன் 12.3 இன்ச்டச் ஸ்கிரீன் யூனிட், டிஜிட்டல் கலர் இன்ஸ்ட்ரூமென்ட் கிளஸ்டர், 360 டிகிரி கேமரா, ஜெஸ்ட்யூர் கண்ட்ரோல் டெயில் கேட், 2-ஸ்டெப் ரிக்லைனிங் சீட்கள், வயர்லெஸ் சார்ஜிங், கூல்டு கிளவ் பாக்ஸ் மற்றும் லெவல் 2 ADAS சூட் உள்ளிட்ட அம்சங்கள் வழங்கப்படுகன்றன.
புதிய டாடா கர்வ் மாடல்- 1.2 லிட்டர் டர்போ பெட்ரோல், 1.2 லிட்டர் GDi டர்போ பெட்ரோல் மற்றும் 1.5 லிட்டர் டீசல் என மூன்றுவித எஞ்சின் ஆப்ஷன்களில் கிடைக்கிறது. இத்துடன் 6 ஸ்பீடு மேனுவல், 7 ஸ்பீடு DCT யூனிட் வழங்கப்படுகிறது.
