தமிழ் சினிமாவில் பிரம்மாண்டமாக திரைப்படம் இயக்குவதில் திறம் பெற்றவர் இயக்குனர் ஷங்கர். இவர் இயக்கத்தில் கடைசியாக கமல் நடிப்பில் வெளியான இந்தியன் 2 திரைப்படம் எதிர்ப்பார்த்த அளவு வெற்றி பெறவில்லை.
சமீபத்தில் நடந்த நேர்காணல் ஒன்றில் இயக்குனர் ஷங்கரிடம் லோகேஷ் கனகராஜ் இயக்கிய லியோ மற்றும் அட்லீ இயக்கிய ஜவான் திரைப்படத்தை குறித்து கேள்வி கேட்கப்பட்டது. அதற்கு ஷங்கர் " நான் லியோ திரைப்படம் பார்த்தேன். மிக நன்றாக இயக்கியிருந்தார் லோகேஷ் கனகராஜ். ஜவான் திரைப்படத்தின் ஒவ்வொரு காட்சியிலும் அட்லீ செய்த மெனெக்கெடல், ஈடுபாடு, உழைப்பு தெரிகிறது அது என்னை பிரமிக்க வைக்கிறது. சாதாரணமாக எல்லாம் இந்த வெற்றி கிடைத்து விடாது. எனக்கு மிகவும் பெருமையாகவும் சந்தோஷமாகவும் இருக்கிறது. என்னுடைய துணை இயக்குனர் இந்தளவுக்கு வளர்ந்துள்ளது. என் மகன் சாதித்து காமித்தால் எவ்வளவு சந்தோஷம் மற்றும் பெறுமை படுவேனோ அதேப்போல் தான் இதுவும்" என கூறியுள்ளார்.
அட்லி மற்றும் லோகேஷ் கனகராஜ் இருவரும் நடிகர் விஜய் நடிப்பில் படத்தை இயக்கியது குறிப்பிடத்தக்கது. ஷங்கர் இயக்கத்தில் நடிகர் ராம் சரண் நடிப்பில் கேம் சேஞ்சர் திரைப்படம் உருவாகியுள்ளது. படத்தின் டீசர் நாளை வெளியாகவுள்ளது. திரைப்படம் வரும் ஜனவரி 10 ஆம் தேதி வெளியாகவுள்ளது.
உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.
