தமிழ் திரையுலகின் பிரபல நடிகர் ராகவா லாரன்ஸ். இவர் இயக்கி நடித்த காஞ்சனா சீரிஸ் படங்கள் ரசிகர்களிடையே அமோக வரவேற்பை பெற்றது. இதனிடையே திரைப்படங்களில் நடிப்பது மட்டுமின்றி சமூக சேவையிலும் ராகவா லாரன்ஸ் தீவிரமாக ஈடுபட்டு வருகிறார்.
இந்த நிலையில், ராகவா லாரன்ஸ் நடிக்கும் 25 ஆவது படத்தின் ஃபர்ஸ்ட் லுக் போஸ்டரை தற்பொழுது படக்குழு வெளியிட்டுள்ளது. படத்திற்கு கால பைரவா என்ற பெயரை வைத்துள்ளனர்.
இப்படத்தை இயக்குநர் ரமேஷ் வர்மா இயக்க இந்த படத்தை கொனிரு சத்யநாரதனா மற்றும் நீலாத்ரி புரொடக்ஷன்ஸ் நிறுவனம் தயாரிக்கிறது. ரமேஷ் வர்மா இதற்கு முன் ரக்ஷடு மற்றும் கில்லாடி ஆகிய திரைப்படங்களை இயக்கியுள்ளார்.
கால பைரவா திரைப்படம் ஒரு அதிரடி ஆக்ஷன் நிறைந்த பான் இந்தியன் சூப்பர் ஹீரோ திரைப்படமாக உருவாகவுள்ளது. படத்தின் ஃபர்ஸ்ட் லுக் போஸ்டரில் மிகவும் முரடனாக ராகவா லாரன்ஸ் அதற்கு பின் பாம்பு மற்றும் பைரவா கடவுளின் உருவங்கள் இடம் பெற்றுள்ளன.
இப்படத்தின் படப்பிடிப்பு நவம்பர் மாதத்திலிருந்து தொடங்கவுள்ளது. திரைப்படம் அடுத்தாண்டு கோடை விடுமுறைக்கு வெளியிடப்படும் என எதிர்ப்பார்க்கப்படுகிறது.
உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.
