தமிழ் திரையுலகின் பிரபல நடிகர் ராகவா லாரன்ஸ். இவர் இயக்கி நடித்த காஞ்சனா சீரிஸ் படங்கள் ரசிகர்களிடையே அமோக வரவேற்பை பெற்றது. இதனிடையே திரைப்படங்களில் நடிப்பது மட்டுமின்றி சமூக சேவையிலும் ராகவா லாரன்ஸ் தீவிரமாக ஈடுபட்டு வருகிறார்.
சமீபத்தில் வெளியாகி பெரும் வெற்றி பெற்ற "கில்" படத்தின் தமிழ் ரீமக்கில் நடிகர் ராகவா லாரன்ஸ் நடிக்க இருப்பதாக தகவல்கள் வெளியாகி இருந்தது. படத்தின் பெரும்பாலான காட்சிகள் ரெயிலில் வைத்து படமாக்கப்பட்டு இருந்த கில் திரைப்படம் ஆக்ஷன் காட்சிகளை கொண்டிருந்தது.
இந்த நிலையில், ராகவா லாரன்ஸ் நடிக்கும் 25 ஆவது படத்தின் ஃபர்ஸ்ட் லுக் போஸ்டர் நாளை (அக்டோபர் 29) காலை வெளியாகும் என்று படக்குழு அறிவித்து இருக்கிறது. இயக்குநர் ரமேஷ் வர்மா இயக்கும் இந்த படத்தை நீலாத்ரி புரொடக்ஷன்ஸ் நிறுவனம் தயாரிக்கிறது.
உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.
