அறிமுக இயக்குனர் சனீஷ் சுகுமாரன் இயக்கத்தில் இன்வெஸ்டிகேட்டிவ் திரில்லராக உருவாகி உள்ளது 'திவ்யா'. சாஸ்வி பாலா, மிதுன், சம்பத் ராம், மேத்யூ வர்க்கீஸ், பிரவின், அகில் கிருஷ்ணஜித் முருகன் ஆகியோர் இப்படத்தில் முக்கிய கதாபாத்திரங்களில் நடித்திருக்கின்றனர். நியான் ஸீ ஃபிலிம்ஸ் ஸ்ரீஜேஷ் வல்சன் தயாரிப்பில் உருவாகியுள்ள இப்படத்திற்கு விபின் ராஜ் ஒளிப்பதிவு செய்துள்ளார். ரெஜிமோன் இசையமைத்துள்ளார். முருகன் மந்திரம் பாடல்கள், மற்றும் வசனத்தை எழுதி இருக்கிறார்.
வழக்கமான பாணியில் இல்லாது, மிக வித்தியாசமான திரைக்கதையுடன் உருவாகியுள்ள படம் 'திவ்யா'. சுதந்திரப் பறவையாக சுற்றித் திரியும் இளம்பெண் திவ்யாவும் அவளது நண்பனும் இதுவரை பார்க்காத ஒரு இடத்திற்கு பயணம் செய்கிறார்கள். அறிமுகமில்லாத இடம், அறிமுகமில்லாத மனிதர்கள், எதிர்பாராத ஒரு சம்பவம். அது எந்த இடம்? அது என்ன சம்பவம்? அந்த சம்பவத்தில் என்ன நடந்தது? என்பது தான், "திவ்யா"வின் கதை.
இப்படத்தின் படப்பிடிப்பு முடிந்து இறுதிக்கட்ட பணிகள் நடந்து கொண்டிருக்கிறது. மேலும் 'திவ்யா' படத்தின் பாடல்கள் மற்றும் டிரைலர் விரைவில் வெளியாகவுள்ளது என்பது குறிப்பிடத்தக்கது.
