நடிகர் ரஜினிகாந்த் இன்று தனது 73-வது பிறந்தநாளை கொண்டாடுகிறார். வழக்கம் போல நாடு முழுவதும் இருக்கும் அவரது ரசிகர்கள் பிரமாண்டமாக கொண்டாடடி வருகின்றனர். ரஜினி சில ஆண்டுகளாகத் தனது போயஸ் தோட்ட வீட்டுக்கு வரும் ரசிகர்களைச் சந்தித்து வருவதை ரஜினி வழக்கமாக வைத்திருக்கிறார். தீபாவளி, பொங்கல் பண்டிகை நாட்களில் அவரை வீட்டில் காண ரசிகர்கள் எப்போதும்போல் கூடுவார்கள்.
காலையில் போயஸ்கார்டன் பகுதியே ரசிகர்கள் கூட்டத்தால் நிரம்பி வழியும். காலை 9 மணி அளவில் வீட்டிற்குள் இருந்து ரஜினி வெளியே வந்து ரசிகர்களைப் பார்த்துக் கையசைப்பார். இது வழக்கமான காட்சி என்பதால் இந்த ஆண்டும் ரஜினி தனது ரசிகர்களை சந்திக்கவுள்ளதாக தகவல் வெளியானது.
இதனால் ஏராளமான ரசிகர்கள் வீட்டின் முன்பாக வாழை மரங்கள் தோரணங்கள் கட்டப்பட்டு, அதிகாலையில் முதலே ரசிகர்கள் ரஜினியின் வருகைக்கு காத்திருந்தனனர். இந்நிலையில் நடிகர் ரஜினிகாந்த்தின் மனைவி லதா, ரஜினி ஊரில் இல்லை அவர் சார்பாக அனைத்து ரசிகர்களுக்கும் என் நன்றியை தெரிவித்து கொள்கிறேன் என்று செய்தியாளர்களை சந்தித்து கூறினார். இதனால் ஏமாற்றம் அடைந்த ரசிகர்கள் ஆங்காங்கே அமர்ந்து கண்ணீர் மல்க ரஜினியை சந்திக்க நினைத்து ஏமாற்றமடைந்ததை வருத்தத்துடன் தெரிவித்து வருகின்றனர்.
