நடிகர் ரஜினிகாந்த் நடிப்பில் உருவாகி இருக்கும் புதிய திரைப்படம் வேட்டையன். இயக்குநர் ஞானவேல் இப்படத்தை இயக்கியுள்ளார். இந்தப் படத்தில் அமிதாப் பச்சன், ஸ்ருதி ஹாசன், பகத் பாசில், ராணா டகுபதி, மஞ்சு வாரியர், ரித்திகா சிங், துஷாரா விஜயன், அபிராமி, ரோகிணி உள்ளிட்ட பலர் நடித்துள்ளனர்.
திரைப்படம் உலகமெங்கும் வெளியாகி மக்களிடையே நல்ல வரவேற்பை பெற்று வருகிறது. படத்தில் ரஜினிகாந்தின் நடிப்பு, மாஸ் மொமண்ட் என பக்கவாக கொடுத்து இருக்கிறார் இயக்குனர் ஞானவேல். பகத் பாசில் நகைச்சுவை கதாப்பாத்திரத்தில் கலக்கியுள்ளார்.
படத்தின் ஓடிடி உரிமையை அமேசான் பிரைம் வாங்கியுள்ளது. திரைப்படம் தற்போதுவரை உலகளவில் 100 கோடி ரூபாய் வசூலித்துள்ளது குறிப்பிடத்தக்கது. படத்தில் இடம் பெற்ற மனசிலாயோ மற்றும் ஹண்டர் வண்டார் பாடல் மிகப்பெரிய ஹிட்டானது.
படத்தில் இடம் பெற்றுள்ள மற்ற பாடல்கள் மற்றும் பின்னணி இசையை டிராக்கை விரைவில் வெளியிடப்போவதாக அனிருத் அவரது எக்ஸ் தளத்தில் பதிவிட்டுள்ளார். வெளியான இரண்டு பாடல்கள் அல்லாமல் " க்ளீன் ஷாட், பிக் பி தீம், உச்சத்தில, பேட்டரி தீம், ஹாண்ட்ச் அப், வாழ் வீசும் மற்றும் வேட்டையன் தீம்" என 7 பாடல்களை விரைவில் வெளியிடவுள்ளார்.
உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.
