கறார் காட்டிய நடிகர்... கழட்டிவிட்ட இயக்குனர்கள்

மார்க்கெட் ‘டல்’ அடித்தபோது சரிவிலிருந்து தற்காத்துக் கொள்ள எந்த மாதிரியான வில்லன் வேடமானாலும் நடிப்பேன் என்று சொன்ன மூன்றெழுத்து நடிகர், தற்போது ஹீரோவாக நடிக்க வாய்ப்பு குவிந்து வருவதால் முடிவை மாற்றிவிட்டாராம். 

வில்லனாக ஒப்பந்தம் செய்த இயக்குனர்களுக்கு போன் செய்து, என் ஹீரோ இமேஜை பாதிக்காத வில்லன் வேடத்தில் மட்டுமே நடிப்பேன் என்று சொல்லி, தன்னை கொடூரமான வில்லனாக வெளிப்படுத்துவதற்கு தடை போட்டுவிட்டாராம்.

அந்த மூன்றெழுத்து நடிகரின் நிபந்தனையால், அவரை வில்லனாக நடிக்க ஒப்பந்தம் செய்திருந்தவர்கள், தற்போது அந்த நடிகரை கழட்டிவிட்டு வேறு நடிகர்களை தேடி வருகிறார்களாம்.