தமிழக-கேரள எல்லை பகுதியில் பத்துகாணியில் குருசுமலை அமைந்துள்ளது. இங்கு ஆண்டுதோறும் மார்ச், ஏப்ரல் மாதங்களில் திருவிழா நடைபெறும். அதன்படி இந்த ஆண்டுக்கான திருப்பயண திருவிழா நேற்று கொடியேற்றத்துடன் தொடங்கியது.
இதையொட்டி நேற்று மதியம் 2 மணிக்கு குருசு மலை அடிவாரத்தில் இளைஞர்கள் சார்பில் பரிகார சிலுவைப்பாதை நடைபெற்றது. நிகழ்ச்சியை அருட்பணியாளர் ஜோயி ஷாபு தொடங்கி வைத்தார். மாலை 4 மணிக்கு புனித பத்தாம் பியூஸ் தேவாலயத்தில் இருந்து திருகொடி பயணம் தொடங்கி மலை அடிவாரத்தை வந்தடைந்தது.
தொடர்ந்து திருவிழா கொடியை நெய்யாற்றின் கரை மறைமாவட்ட ஆயர் வின்சென்ட் சாமுவேல் ஏற்றி வைத்தார். பின்னர் திவ்ய ஜோதி கொடி பயணம் மலையடி வாரத்தில் இருந்து மலை உச்சி வரை நடந்தது. இதில் அருட்பணியாளர் கிறிஸ்து தலைமை தாங்கினார்.
மாலை 5 மணிக்கு நெய்யாற்றின் கரை மறைமாவட்ட ஆயர் வின்சென்ட் சாமுவேல் தலைமையில் ஆடம்பர கூட்டுத் திருப்பலி நடந்தது. தொடர்ந்து மலை உச்சியில் திருவிழா கொடியை அருட்பணியாளர் கிறிஸ்து ஏற்றி வைத்து திருப்பலி நிறைவேற்றினார். மாலையில் நடைபெற்ற திருவிழா பொதுக்கூட்டத்தில் நெய்யாற்றின்கரை மறைமாவட்ட ஆயர் வின்சென்ட் சாமுவேல் தலைமை தாங்கினார். குருசுமலை இயக்குனர் வின்ெசன்ட் வரவேற்று பேசினார்.
விழாவில் கேரள மாநில எதிர்க்கட்சித் தலைவர் சதீஷன், திருவனந்தபுரம் நாடாளுமன்ற உறுப்பினர் சசி தரூர், எம்.எல்.ஏ.க்கள் ஹரீந்திரன், ஆன்சலன் மற்றும் அரசியல் கட்சி பிரமுகர்கள் பலர் கலந்துகொண்டு பேசினர்.
விழா வருகிற 3-ந் தேதி வரை நடக்கிறது. இதையொட்டி ஏராளமானோர் மலைேயறி சென்று வழிபாடு நடத்துகிறார்கள். இதற்கான ஏற்பாடுகளை விழாக்குழுவினர் செய்துள்ளனர்.
குருசு மலை கோவில் தமிழக- கேரள எல்லை பகுதியில் உள்ளதால் திருவிழாவை முன்னிட்டு தமிழக, கேரள போலீசார் பாதுகாப்பு பணியில் ஈடுபடுத்தப்பட்டுள்ளனர்.
