நெல்லையப்பர் கோவிலில் ஐப்பசி திருவிழா கொடியேற்றம்

நெல்லை டவுன் நெல்லையப்பர் கோவிலில் ஒவ்வொரு ஆண்டும் ஐப்பசி திருவிழா வெகு விமரிசையாக நடைபெறும். அதுபோல் இந்த ஆண்டுக்கான திருவிழா காலை கொடியேற்றத்துடன் தொடங்கியது.

விழாவை முன்னிட்டு அம்மன் சன்னதியில் உள்ள கொடி மரத்துக்கு சிறப்பு அபிஷேகம் செய்யப்பட்டது. பின்னர் அலங்கரிக்கப்பட்ட கொடிமரத்தில் கொடியேற்றப்பட்டு, சிறப்பு தீபாராதனை காண்பிக்கப்பட்டது.

இந்நிகழ்ச்சியில் திரளான பக்தர்கள் கலந்து கொண்டனர். ஐப்பசி திருவிழா வருகிற 7-ந் தேதி வரை நடக்கிறது. விழா நாட்களில் சுவாமி, அம்பாளுக்கு சிறப்பு வழிபாடு மற்றும் வீதி உலா நடக்கிறது. இதற்கான ஏற்பாடுகளை நெல்லையப்பர் கோவில் செயல் அலுவலர் ரோஷினி மற்றும் கோவில் பணியாளர்கள் செய்துள்ளனர்.