ராமேசுவரத்தில் 51 அடி உயர ஐம்பொன் நடராஜர் சிலை அமைக்கும் பணி தொடக்க விழா 2 நாட்கள் நடக்கிறது

ராமேசுவரம் அக்னி தீர்த்தம் ஓலைக்குடா அருகில் 51 அடி உயர ஐம்பொன் நடராஜர் பெருமான் உருவச்சிலை அமைக்கும் பணி தொடக்க விழா நாளை (சனிக்கிழமையும்), நாளை மறுநாள் (ஞாயிற்றுக்கிழமையும்) நடைபெறுகிறது.

இதை முன்னிட்டு நாளை காலை 6 மணிக்கு மங்கள இசை, 6.30 மணிக்கு கணபதி ஹோமம், செந்தமிழ் வேள்வி, 7.30 மணிக்கு திருவாசகம் முற்றோதுதல், மாலை 5.30 மணிக்கு கும்மியாட்ட நிகழ்ச்சி, இரவு 8 மணிக்கு இசை நிகழ்ச்சி நடக்கின்றது.

நாளை மறுநாள் காலை 6 மணிக்கு கைலாய வாத்தியம், 7 மணிக்கு நாட்டிய பள்ளி மாணவிகளின் நாட்டிய நிகழ்ச்சி, 8 மணிக்கு திருவாசகம் முற்றோதுதல் நடக்கிறது.

இந்த விழாவில் புதுச்சேரி மாநில முதல்-அமைச்சர் ரெங்கசாமி, உள்துறை அமைச்சர் நமச்சிவாயம் உள்பட பலர் கலந்து கொள்கிறார்கள்.