தேவையான பொருட்கள் :
சோயா பீன்ஸ் - 1 கப்,
கோதுமை - 1 கப்,
வெந்தயப்பொடி (விரும்பினால்) - ஒரு சிட்டிகை,
வெல்லம் - தேவையான அளவு,
காய்ச்சி ஆற வைத்த பால் - தேவையான அளவு.
செய்முறை :
சோயா பீன்ஸ், கோதுமையை வெறும் கடாயில் போட்டு தனித்தனியே வறுத்துப் பொடித்து கொள்ளவும்.
இதனுடன் வெந்தயப் பொடி சேர்த்து வைத்துக் கொள்ளவும். இந்த பொடியை செய்து வைத்து கொண்டால் போதும் தேவைப்படும் போது செய்து கொள்ளலாம்.
அடுப்பில் 2 கப் தண்ணீர் ஊற்றி கொதிக்க விடவும். தண்ணீர் நன்றாக கொதிக்க ஆரம்பித்தவுடன் 2 டீஸ்பூன் சோயா பீன்ஸ் பவுடரை சிறிது தண்ணீரில் கரைத்து கொதிக்க தண்ணீரில் ஊற்றி கைவிடாமல் கிளறி கொண்டே இருக்கவும்.
நன்றாக வெந்து பக்குவம் வந்தவுடன் வெல்லம், காய்ச்சிய பால் சேர்த்து பருகவும்.
சத்தான சோயா - கோதுமை கஞ்சி ரெடி.
- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
