சத்தான டிபன் வெஜ் போஹா

தேவையான பொருட்கள் :

கெட்டி அவல் - ஒரு கப்,

கேரட், பட்டாணி, உருளைக்கிழங்கு, பீன்ஸ் கலவை - அரை கப்,

கடுகு, சீரகம் - தலா கால் டீஸ்பூன்,

சர்க்கரை - சிட்டிகை,

வறுத்த வேர்க்கடலை, முந்திரி - சிறிதளவு,

எலுமிச்சைச் சாறு - 2 டீஸ்பூன்,

கொத்தமல்லித்தழை, கறிவேப்பிலை - சிறிதளவு,

எண்ணெய், உப்பு - தேவைக்கு.

செய்முறை:

கொத்தமல்லி, காய்கறிகளை பொடியாக நறுக்கி கொள்ளவும்.

அவலுடன் தண்ணீர் சேர்த்து கழுவி ஐந்து நிமிடம் அப்படியே வைக்கவும்.

வாணலியில் எண்ணெய் விட்டு சூடாக்கி, கடுகு, சீரகம், கறிவேப்பிலை சேர்த்து தாளிக்கவும்.

அதனுடன் காய்கறிகள் சேர்த்து வதக்கி சிறிதளவு தண்ணீர் தெளித்து மூடி வேக விடவும்.

பிறகு அவல், உப்பு, சர்க்கரை சேர்த்து கிளறி மூடி சிறிது நேரம் வேக விடவும்.

நன்கு வெந்த பிறகு எலுமிச்சைச் சாறு பிழிந்து, கொத்தமல்லித்தழை தூவி கிளறி இறக்கவும்.

மேலே வேர்க்கடலை, முந்திரி சேர்த்து சூடாக பரிமாறவும்.