என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
அழகுக் குறிப்புகள்
பெண்களை அதிகம் கவரும் பரோக் முத்துக்கள்
- பரோக் முத்துக்கள் பொதுவாக பெண்கள் அணியும் உருண்டையான முத்துகள் அல்ல.
- பரோக் முத்து நகைகளின் வகைகள் நிறைய உள்ளன.
பொதுவாக பெண்களுக்கு முத்து பிடிக்கும். முத்தை விரும்பாத பெண்கள் இருக்க மாட்டார்கள் என்றே சொல்லலாம். சில பெண்கள் அந்த முத்தை வித்தியாசமான வகையில் அணிய விருப்புவார்கள். அப்படிபட்ட பெண்களுக்கு பரோக் முத்துக்கள் ஏற்றது. சரி பரோக் முத்து என்றால் என்ன?
பரோக் முத்துக்கள் பொதுவாக பெண்கள் அணியும் உருண்டையான முத்துகள் அல்ல. இது தனித்துவம் வாய்ந்தது. இவை ஒழுங்கற்ற வடிவங்கள் மற்றும் அளவுகளைக் கொண்டிருக்கும். மேலும் அவற்றின் மேற்பரப்புகள் சீரற்றதாகவும், பள்ளமாகவும் இருக்கும்; பெரும்பாலும் அழகான ஒளிரும் நிறத்தை வெளிப்படுத்துகின்றன.
பரோக் முத்துக்கள் நெக்லஸ்கள், காதணிகள், பதக்கங்கள், வளையல்கள் மற்றும் மோதிரங்களில் பாதிக்கப்பட்டு அணிய படுகின்றன. இந்த தனித்துவமான முத்துக்கள் அணியும் போது வெற்றி மற்றும் நல்ல அதிர்ஷ்டத்தை ஈர்க்கும் என்று அறியப்படுகிறது. இதன் ஒழுங்கற்ற வடிவங்கள் குறைபாடுகளாக கருதப்படுவதில்லை, ஆனால் அவற்றின் தனித்துவத்திற்காக உண்மையில் விரும்பப்படுகின்றன என்பது மிகவும் சுவாரஸ்யமானது. ஒரு பரோக் முத்து நகைகள், சாதாரண நாட்களிலும், விசேஷ நாட்களில் மிகவும் அதிகமாக உங்களைத் தனித்து நிற்கச் செய்யும்.
பரோக் முத்து நகைகளின் வகைகள் நிறைய உள்ளன. கண்ணைக் கவரும் வகை , சாதாரணமான வகை, சிறப்பான வகை என நீங்கள் விரும்பும் வகைகளில் உங்கள் ரசனை மற்றும் விருப்பங்களுக்கு ஏற்றவாறு கிடைக்கும். முத்துக்களில் பல வகைகளை உள்ளன. அவற்றை தினமும் அல்லது சிறப்பான நாட்களில் அணியலாம். எப்போதும் இரண்டாவது முறை பார்க்கத் தோன்றும் தோற்றத்தை தரும்.
பரோக் முத்துக்களின் பிரத்யேக குணங்கள்
தனித்துவம்: இந்த முத்துக்கள் பார்க்க கரடுமுரடாக இருந்தாலும் அதன் அழகு குறைவதில்லை. இயற்கையான வடிவமாக இவை அழகாக இருக்கின்றன.
நகைகளில் தரும் தோற்றம்: இந்த முத்துக்களை காதணிகளின் தொங்கட்டான்களாகவும், ப்ரேஸ்லட்களில் வரிசையாய் கோர்க்கப்பட்டும், செயின்களில்அதே மாதிரி வரிசையாய் கோர்க்கப்பட்டும் கிடைக்கின்றன.
விலையில் சிக்கனம்: இவை பொதுவாக விலை குறைவாகவே கிடைக்கின்றன. முத்து நகையின் எல்லா குணநலன்களுடன் இருக்கும் இந்த பரோக் முது நகைகள், உருண்டை வடிவ முத்துக்களை விட மிகக்குறைந்த விலையில் இருப்பது கூடுதல் சிறப்பு.
நிறங்கள்: பரோக் முத்துக்கள் வெள்ளை மட்டுமின்றி கருப்பு, மஞ்சள், பழுப்பு, கிரே, சாம்பல், பச்சை, நீளம் போன்ற பல நிறங்களில் கிடைகின்றன.
நேரடியாகவும், இணையதளம் வாயிலாகவும் பரோக் முத்துக்கள் வாங்கலாம். விலை உயர்ந்த நகைகளை தினமும் அணிவது எல்லோராலும் இயலாது. ஆனால் அனைவரும் சிறப்பான தோற்றத்தோடு இருக்க விரும்புவர். பரோக் முத்துக்கள் அந்த தோற்றத்தை உங்களுக்கு அளிக்கும்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்