உலக கோப்பைச்செய்திகள்

பாகிஸ்தான் - தென்ஆப்பிரிக்கா அணிகள் மோதும் உலகக்கோப்பை தொடரின் 30-வது லீக் ஆட்டம் லண்டன் லார்ட்ஸ் மைதானத்தில் மதியம் 3 மணிக்கு தொடங்குகிறது. இதற்கான டாஸ் சுண்டப்பட்டதில் பாகிஸ்தான் கேப்டன் சர்பராஸ் அகமது டாஸ் வென்று பேட்டிங் தேர்வு செய்துள்ளார்.

ஆப்கானிஸ்தானுக்கு எதிரான ஆட்டத்தில் இந்தியாவின் வெற்றிக்கு முக்கிய பங்கு வகித்தவர் வேகப்பந்து வீரர் முகமது ஷமி. அவர் 9.5 ஓவர் வீசி 40 ரன் கொடுத்து 4 விக்கெட் வீழ்த்தினார்.

கடைசி ஓவரில் முகமது ஷமி அடுத்தடுத்து 3 விக்கெட் கைப்பற்றி ‘ஹாட்ரிக்’ சாதனை படைத்தார். 3-வது பந்தில் முகமது நபி, 4- வது பந்தில் அப்தாப் ஆலம், 5-வது பந்தில் முஜீபுர் ரகுமான் ஆகியோரையும் அவர் ‘அவுட்’ செய்தார்.

இதன் மூலம் உலகக்கோப்பை போட்டியில் ‘ஹாட்ரிக்’ சாதனை படைத்த 2-வது இந்தியர் என்ற சாதனையை முகமது ஷமி பெற்றார். இதற்கு முன்பு 1987-ம் ஆண்டு நியூசிலாந்துக்கு எதிராக சேட்டன் சர்மா ‘ஹாட்ரிக்’  நிகழ்த்தி இருந்தார். சர்வதேச அளவில் 9-வது வீரர் ஆவார்.

உலகக்கோப்பையில் 10-வது ‘ஹாட்ரிக்’ நிகழ்வாகும். உலகக்கோப்பையில் ஹாட்ரிக் சாதனை படைத்த வீரர்கள் வருமாறு:-

சேட்டன் சர்மா (இந்தியா)- நியூசிலாந்து- 1987
சக்லைன் முஸ்தாக் (பாகிஸ்தான்) ஜிம்பாப்வே 1999
சமிந்தா வாஸ் (இலங்கை) வங்காளதேசம் 2003
பிரெட் லீ (ஆஸ்திரேலியா) தென்ஆப்பிரிக்கா 2003
மலிங்கா    (இலங்கை) தென்ஆப்பிரிக்கா 2007
கேமர் ரோச் (வெஸ்ட் இண்டீஸ்) நெதர்லாந்து 2011
மலிங்கா    (இலங்கை) கென்யா 2011
ஸ்டீவ்பின் (இங்கிலாந்து) ஆஸ்திரேலியா 2015
டுமினி (தென்ஆப்பிரிக்கா) இலங்கை 2015
முகமது ஷமி (இந்தியா) ஆப்கானிஸ்தான் 2019

உலகக்கோப்பை போட்டியில் ஆப்கானிஸ்தானை கடும் போராட்டத்துக்கு பிறகு வீழ்த்தி இந்தியா 4-வது வெற்றியை பெற்றது. கடைசி ஒவரில்தான் இந்தியா வெற்றி பெற்றது. பும்ரா மற்றும் ஷமியின் கடைசி கட்ட ஓவர்கள் சிறப்பாக அமைந்ததால் வெற்றி கிட்டியது.

இந்த வெற்றி குறித்து இந்திய அணி கேப்டன் விராட் கோலி கூறுகையில் ‘‘அதிக ரன்களை குவிக்க வேண்டும் என்பதற்காக ‘டாஸ்’ வென்றதும் பேட்டிங்கை தேர்வு செய்தேன். ஆனால் அதன் பிறகுதான் ஆடுகளம் மெதுவாக இருந்தது தெரிய வந்தது. இதனால் 260 அல்லது 270 ரன்னை எடுத்தால் நல்ல ஸ்கோர் என்று கருதினேன்.

ஒரு கட்டத்தில் எனது மனதில் என்ன நடக்குமோ? என்ற சந்தேகம் வந்துவிட்டது. பிட்சின் தன்மையை கருத்தில் கொண்டு ஒன்று, இரண்டு ரன்களை அடிக்க வேண்டும் என்பதை உணர்ந்தேன். ஆப்கானிஸ்தான் அணியில் 3 சிறந்த சுழற்பந்து வீரர்கள் இருந்தனர். எங்களது திட்டத்தை செயல்படுத்த முடியாத வகையில் அவர்கள் சிறப்பாக பந்து வீசினார்கள். முகமது நபி மிகவும் அபாரமாக வீசினார்.

எங்களது பந்து வீச்சாளர்கள் அபாரமாக பந்து வீசி இந்த வெற்றியை பெற்று தந்தனர். பும்ரா எந்த நேரத்திலும் விக்கெட்டுகளை வீழ்த்தக்கூடியவர். இந்தப்போட்டியில் அவர் சிறப்பாக பந்து வீசினார். முகமது ஷமி கடைசி ஓவரை அபாரமாக வீசினார். விஜய் சங்கரும் பீல்டிங்கில் சிறப்பாக செயல்பட்டார்.



ஆப்கானிஸ்தானுக்கு எதிராக கடுமையாக போராடி பெற்ற இந்த வெற்றி எங்களுக்கு மிகவும் முக்கியமானது. ஒவ்வொரு வீரரும் வாய்ப்புக்காக காத்திருக்கிறார்கள். உலகக்கோப்பையில் ஆடுவது ஒவ்வொரு வீரருக்கும் பெருமையானதாகும்’’ என்றார்.

இந்திய அணி 6-வது ஆட்டத்தில் வெஸ்ட் இண்டீஸை வருகிற 27-ந்தேதி சந்திக்கிறது. ஆப்கானிஸ்தான் அணி தொடர்ந்து 6-வது தோல்வியை தழுவியது. அந்த அணி கடுமையாக போராடிதான் வெற்றியை பறிகொடுத்தது. போட்டியில் தோற்றாலும் ஆப்கானிஸ்தான் வீரர்கள் அனைவரது மனதிலும் இடம் பெற்றுவிட்டனர். அந்த அணி 7-வது ஆட்டத்தில் வங்காள தேசத்தை நாளை எதிர்கொள்கிறது.

மான்செஸ்டர்:

உலகக்கோப்பை தொடரின் 29-வது லீக் ஆட்டம்  மான்செஸ்டரில் தொடங்கியது. இதில் வெஸ்ட் இண்டீஸ்- நியூசிலாந்து அணிகள் மோதின. டாஸ் வென்ற வெஸ்ட் இண்டீஸ் அணி கேப்டன் ஹோல்டர் பந்துவீச்சை தேர்வு செய்துள்ளார்.

இதையடுத்து, நியூசிலாந்து அணியின் மார்டின் கப்தில், காலின் மன்ரோ தொடக்க ஆட்டக்காரர்களாக இறங்கினர். வெஸ்ட் இண்டீஸ் அணியின் ஷெல்டன் காட்ரெல் முதல் ஓவரிலேயே இருவரையும் பெவிலியனுக்கு அனுப்பி அதிர்ச்சி வைத்தியம் அளித்தார். அடுத்து இறங்கிய கேப்டன் கேன் வில்லியம்சனுடன் ராஸ் டெய்லர் ஜோடி சேர்ந்தார். இந்த ஜோடி நிதானமாகவும், பொறுப்புடனும் ஆடியது. டெய்லர் அரை சதமடித்து அசத்தினார்.
160 ரன்கள் ஜோடி சேர்த்த நிலையில், டெய்லரை கெயில் அவுட்டாக்கினார். டெய்லர் 69 ரன்னில் அவுட்டானார். அடுத்து வந்த வீரர்கள் நிலைத்து நிற்கவில்லை. ஒருபுறம் விக்கெட்டுகள் வீழ்ந்தாலும், கேன் வில்லியம்சன் சிறப்பாக விளையாடி சதமடித்தார். அவர் 148 ரன்கள் எடுத்த நிலையில் காட்ரெல் அவரை வெளியேற்றினார். இறுதியில், நியூசிலாந்து அணி நிர்ணயிக்கப்பட்ட 50 ஓவரில் 8 விக்கெட் இழப்புக்கு 291 ரன்களை எடுத்துள்ளது.

வெஸ்ட் இண்டீஸ் சார்பில் காட்ரெல் 4 விக்கெட்டும், பிராத்வெயிட் 2 விக்கெட்டும் வீழ்த்தினர்.
இதையடுத்து, 292 ரன்களை எடுத்தால் வெற்றி என்ற இலக்குடன் வெஸ்ட் இண்டீஸ் களமிறங்கியது. தொடக்க ஆட்டக்காரர்களாக கிறிஸ் கெய்ல் மற்றும் ஷாய் ஹோப் களம் இறங்கினர்.   இருவரும் ஜோடி சேர்ந்த நிலையில் ஆட்டத்தின் 2.4வது ஓவரில் ஷாய் ஹோப் 1 (3) ரன் எடுத்த நிலையில் அவுட்டானார்.  அடுத்ததாக களம் இறங்கயி நிகோலஸ் பூரன் வந்த வேகத்தில் பெவிலியன் திரும்பினார்.  இதனையடுத்து ஹெட்மயர் களம் இறங்க, கிறிஸ் கெய்ல் இவருடன் ஜோடி சேர்ந்து அணியின் ரன்களை குவிக்க தொடங்கினர்.   கிறிஸ் கெல் மற்றும் ஹெட்மயர் இருவரும் அதிரடி ஆட்டத்தை வெளிப்படுத்தி அரை சதத்தை கடந்தனர்.   இந்நிலையில் ஆட்டத்தின் 22.1 வது ஓவரில் ஹெட்மயர் 54 (45) ரன்கள் எடுத்து அவுட்டானார்.

வெஸ்ட் இண்டீஸ் அணியின் கேப்டன் ஜாசன் ஹோல்டர் ரன் ஏதும் எடுக்காமல் தனது விக்கெட்டை பறிகொடுத்தார். வெஸ்ட் இண்டீஸ் அணி 152 ரன்கள் எடுத்திருந்த நிலையில் ஆட்டத்தின் 23.6 வது ஓவரில் அதிரடி வீரர் கிறிஸ் கெல் 84 பந்துகளை சந்தித்து 87 ரன்கள் எடுத்திருந்த போது கிரான்ட்ஹோம் வீசிய பந்தில் அவுட்டானார்.   அஸ்லே நர்ஸ் 1(8) ரன்னும், இவின் லீவீஸ் (0) ரன் ஏதும் எடுக்காமலும் அடுத்தடுத்து ஆட்டமிழந்தனர். அடுத்து களம் இறங்கிய  பிரித்வெய்ட்டுடன், கேமர் ரோச் ஜோடி சேர்ந்தார். இந்த ஜோடி நிலைத்து நின்று ஒரளவு ரன் சேர்த்திருந்தநிலையில் கேமர் ரோச் 14(31) ரன்களில் வெளியேறினார்.  அணிக்கான பொறுப்பான ஆட்டத்தை வெளிப்படுத்திய பிரித் வெய்ட் தனது அரைசதத்தை பதிவு செய்தார். அடுத்து களமிறங்கிய ஷெல்டன் கட்ரல் 15(25) ரன்களில் கேட்ச் ஆனார். தனி ஒருவனாக போராடிய பிரித்வெய்ட் தனது சதத்தை பதிவு செய்த நிலையில் 101(82) ரன்களில் ஆட்டமிழந்தார்.