உலக கோப்பைச்செய்திகள்

இங்கிலாந்தில் நடந்து வரும் உலகக்கோப்பை கிரிக்கெட் போட்டி தொடரில் 10 அணிகள் பங்கேற்றன. இதில் வங்காளதேச அணி 9 போட்டிகளில் 3 வெற்றி, 5 தோல்வி பெற்றது. 1 ஆட்டம் முடிவு இல்லை. தென் ஆப்பிரிக்கா, வெஸ்ட் இண்டீஸ், ஆப்கானிஸ்தான் ஆகிய அணிகளை வீழ்த்தியது. அந்த அணி 7 புள்ளிகளுடன் 8-வது இடத்தை பிடித்து போட்டி தொடரில் இருந்து வெளியேறியது.

இந்த நிலையில் உலகக்கோப்பை தொடரில் இருந்து வெளியேற்றப்பட்டதால் வங்காளதேச அணியின் தலைமை பயிற்சியாளர் ஸ்டீவ் ரோட்சை அந்நாட்டு கிரிக்கெட் வாரியம் அதிரடியாக நீக்கம் செய்தது.

இதுதொடர்பாக வங்காள தேச கிரிக்கெட் வாரிய தலைமை செயல் அதிகாரி நிஜாமுதீன் கூறும்போது, ‘‘தலைமை பயிற்சியாளர் பதவியில் இருந்து ஸ்டீவ் ரோட்சை விலக்குவதாக ஒருமனதாக முடிவு செய்து இருக்கிறோம். இந்த முடிவு உடனடியாக அமலுக்கு வருகிறது’’ என்றார்.

உலகக்கோப்பையில் பங்கேற்ற வங்காளதேச அணி சொந்த நாட்டுக்கு திரும்பிய மறுநாளே பயிற்சியாளர் நீக்கம் செய்யப்பட்டுள்ளார்.

வங்காளதேச அணிக்கு தலைமை பயிற்சியாளராக ஸ்டீவ் ரோட்ஸ் கடந்த ஆண்டு ஜூன் மாதம் நியமனம் செய்யப்பட்டார். அவரது பதவி காலம் அடுத்த ஆண்டு நடைபெறும் 20 ஓவர் உலககோப்பை வரை உள்ளது. ஆனால் 50 ஓவர் உலககோப்பையில் ஸ்டீவ் ரோட்சின் பங்களிப்பு திருப்தி தராததால் நீக்கம் செய்யப்பட்டுள்ளார்.

இந்த மாதம் இறுதியில் வங்காளதேச அணி இலங்கைகு சுற்றுப் பயணம் செய்து 3 ஒருநாள் போட்டிகளில் விளையாடுகிறது. இதற்கு விரைவில் இடைக்கால பயிற்சியாளர் நியமிக்கப்படுவார் என்று நிர்வாகி ஒருவர் தெரிவித்தார்.

இந்தியா - நியூசிலாந்து அணிகள் நாளை அரையிறுதி போட்டியில் பலப்பரீட்சை நடத்துகின்றன. உலகக்கோப்பையில் இந்திய அணியின் வேகப்பந்து வீச்சாளரான பும்ரா அபாரமாக பந்து வீசி வருகிறார். 17 விக்கெட்டுக்கள் வீழ்த்தியுள்ள அவர், 8 மெய்டன் ஓவர்கள் வீசியதுடன் ஓவருக்கு தலா 4.48 ரன்கள் மட்டுமே விட்டுக்கொடுத்துள்ளார்.

இதனால் பும்ரா நியூசிலாந்து அணிக்கு மிகவும் அச்சுறுத்தலாக இருப்பார் என்று முன்னாள் நியூசிலாந்து வீரர் வெட்டோரி தெரிவித்துள்ளார்.


இங்கிலாந்து பேட்ஸ்மேன்கள் மற்ற எல்லா பந்து வீச்சாளர்களையும் டார்கெட் செய்தனர். அவர்கள் சுழற்பந்து வீச்சாளர்கள், ஹர்திக் பாண்டியா, டெத் ஓவர்களில் முகமது ஷமி பந்து வீச்சை துவம்சம் செய்தனர். ஆனால் பும்ரா சிறப்பாக பந்து வீசினார்.

நியூசிலாந்துக்கு எதிரான அரையிறுதி ஆட்டத்தில் ஷமி அணியில் இடம் பிடிப்பார். இந்த வருட தொடக்கத்தில் அவர் நியூசிலாந்துக்கு எதிராக அபாரமாக பந்து வீசினார்’’ என்றார்.

ரன் மெஷின் என்று அழைக்கப்படும் விராட் கோலி உலகக்கோப்பையில் தொடர்ச்சியாக ஐந்து அரைசதங்கள் விளாசிய போதிலும், ஒரு சதம் கூட அடிக்கவில்லை. அதே சமயத்தில் துணைக் கேப்டனான ரோகித் சர்மா ஐந்து சதங்கள் விளாசியுள்ளார்.

ரோகித் சர்மா ஐந்து சதங்கள் அடித்தது மிக மிக சந்தோசம், இந்த உலகக்கோப்பையில் என்னுடைய ரோல் மாறுபட்டது என்று இந்திய அணி கேப்டன் விராட் கோலி தெரிவித்துள்ளார்.

இதுகுறித்து விராட் கோலி கூறுகையில் ‘‘இந்த உலகக்கோப்பையில் நான் மாறுபட்ட ரோலில் விளையாடி வருகிறேன். உலகக்கோப்பை தொடரில் கேப்டனாக இருக்கும் நான், எந்தவிதமான ரோலாக இருந்தாலும் அணிக்கு அது தேவையென்றால் செய்தாக வேண்டும்.


நான் தற்போது செய்து கொண்டிருக்கும் ரோல் ஒருநாள் போட்டியில் மாறுபட்டது என்பதை புரிந்து கொண்டேன். மேலும், ஆட்டத்தின் சூழ்நிலை எவ்வாறு செல்கிறதோ? அதற்கு ஏற்றபடி பேட்டிங் செய்ய வேண்டும். ஒரு பக்கம் நிலைத்து நின்று மறுபக்கத்தில் விளையாடும் வீரர்கள் ஸ்டிரைக் ரேட் 150, 160 அல்லது 200 ஆக இருக்கும்போது மிக சந்தோசமாக இருக்கிறது. தேவைப்பட்டால் மறுபக்கத்தில் நான் அதிரடி ஆட்டத்தை வெளிப்படுத்துவேன்.

ஆடுகளத்தில் நீண்ட நேரம் நின்று விளையாடியதன் மூலம் இந்த உலகக்கோப்பையில் நான் அதிக விஷயங்களை கற்றுக் கொண்டேன். இதுதான் நமது ரோல் என்பதால், அதற்கு எற்படி விளையாட வேண்டும்’’ என்றார்.

உலகக்கோப்பை கிரிக்கெட் தொடரில் இந்தியா - நியூசிலாந்து இடையிலான முதல் அரையிறுதி ஆட்டம் நாளை மதியம் 3 மணிக்கு மான்செஸ்டர் ஓல்டுடிராபோர்டில் நடக்கிறது. இந்த போட்டியில் இந்தியாவின் ஆடும் லெவன் அணியில் இடம் பெற வேண்டிய வீரர்கள் குறித்து சச்சின் தெண்டுல்கர் விராட் கோலிக்கு ஆலோசனை வழங்கியுள்ளார்.

இதுகுறித்து சச்சின் தெண்டுல்கர் கூறுகையில் ‘‘ஜடேஜா என்னுடைய முதல் தேர்வு. இதுகுறித்து நான் அணி நிர்வாகத்தில் நிச்சயம் எழுப்புவேன். தினேஷ் கார்த்திக் 7-வது இடத்தில் களம் இறக்கப்பட்டால், அவருக்குப் பதிலாக ஜடேஜாவுக்கு கட்டாயம் இடம் கொடுக்க வேண்டும். இடது கை சுழற்பந்து வீச்சு பணியை அவர் பார்த்துக் கொள்வார்.

ஐந்து பந்து வீச்சாளர்களுடன் விளையாடும்போது, இக்கட்டான சூழ்நிலையில் ஈடுகட்டும் நிலையில் மாற்று பந்து வீச்சாளர் தேவை. முகமது ஷமியை மீண்டும் அணிக்கு கொண்டு வர வேண்டும். இதே மைதானத்தில் வெஸ்ட் இண்டீஸ்க்கு எதிராக சிறப்பாக பந்து வீசினார். ஓல்டுடிராபோர்டில் அவருக்கு சிறந்த அனுபவம் உள்ளது. அணிக்கு மீண்டும் திரும்பி விக்கெட்டுக்கள் கைப்பற்றினார். அதனால் ஷமி மீண்டும் அணிக்கு கொண்டு வருவதில் நான் உறுதியாக உள்ளேன்’’ என்றார்.

மான்செஸ்டர்:

12-வது உலகக்கோப்பை கிரிக்கெட் போட்டி இங்கிலாந்தில் நடைபெற்று வருகிறது. இந்தப் போட்டியில் 10 நாடுகள் பங்கேற்றன. நேற்று முன்தினத்துடன் ‘லீக்‘ ஆட்டங்கள் முடிந்தன.

‘லீக்’ முடிவில் இந்தியா, ஆஸ்திரேலியா, இங்கிலாந்து, நியூசிலாந்து ஆகிய அணிகள் முறையே முதல் 4 இடங்களை பிடித்து அரை இறுதிக்கு தகுதி பெற்றன.

2 நாட்கள் ஓய்வுக்கு பிறகு ‘நாக்அவுட்’ போட்டிகள் நாளை (9-ந்தேதி) தொடங்குகிறது. இதில் விராட்கோலி தலைமையிலான இந்தியா- வில்லியம்சன் தலைமையிலான நியூசிலாந்து அணிகள் மோதுகின்றன.

இந்நிலையில் இந்திய அணியின் தொடக்க ஆட்டக்காரரும், துணை கேப்டனுமான ரோகித் சர்மா புதிய சாதனையை படைக்க உள்ளார். அவர் இன்னும் 27 ரன்கள் எடுத்தால் உலகக்கோப்பை கிரிக்கெட் போட்டியில் அதிக ரன்கள் எடுத்த சச்சின் தெண்டுல்கர் சாதனையை முறியடிப்பார்.     

உலக கோப்பை தொடரில் சச்சின் தெண்டுல்கர் 2003 ஆம் ஆண்டு 673 ரன்கள் எடுத்திருந்தார். 2007 ஆம் ஆண்டு ஆஸ்திரேலிய அணியை சேர்ந்த மேத்யூ கெய்டன் 659 ரன்கள் எடுத்திருந்தார்.


2019 உலகக்கோப்பை கிரிக்கெட் போட்டியில் அதிக ரன்கள் எடுத்த டாப் 10 பேட்ஸ்மேன்கள் விபரம்:-

ரோகித் சர்மா 647 ரன்கள் - 5 சதம், 1 அரை சதம் (8 ஆட்டங்கள்)
டேவிட் வார்னர் 638 ரன்கள் - 3 சதம், 3 அரை சதம் (9 ஆட்டங்கள்)
சகிப் அல்ஹசன் 606 ரன்கள் - 2 சதம், 5 அரை சதம் (8 ஆட்டங்கள்)
ஆரோன் பிஞ்ச் 507 ரன்கள் - 2 சதம், 3 அரை சதம் (9 ஆட்டங்கள்)
ஜோ ரூட் 500 - 2 சதம், 3 அரை சதம் (9 ஆட்டங்கள்)
கனே வில்லியம்சன் 481 ரன்கள் - 2 சதம், 1 அரை சதம் (8 ஆட்டங்கள்)
பாபர் ஆசம் 474 ரன்கள் - 1 சதம், 3 அரை சதம் (8 ஆட்டங்கள்)
பிரிஸ்டோவ் 462 ரன்கள் - 2 சதம், 2 அரை சதம் (9 ஆட்டங்கள்)
டு பிளிசிஸ் 387 ரன்கள் - 1 சதம், 3 அரை சதம் (8 ஆட்டங்கள்)

உலகக்கோப்பைக்கான லீக் ஆட்டங்கள் நேற்றுடன் முடிவடைந்தது. நேற்று இந்தியா - இலங்கை, தென்ஆப்பிரிக்கா - ஆஸ்திரேலியா அணிகளுக்கு இடையிலான ஆட்டங்கள் நடைபெற்றன.

தென்ஆப்பிரிக்கா வெற்றி பெற்றால் இந்தியா அரையிறுதியில் இங்கிலாந்துடன் மோதுவதை தவிர்த்து, நியூசிலாந்தை எதிர்கொள்ளும் நிலை இருந்தது.

அதேபோல் தென்ஆப்பிரிக்கா 10 ரன்கள் வித்தியாசத்தில் வெற்றி பெற்றது. இதனால் புள்ளிகள் பட்டியலில் இந்தியா முதல் இடம் பிடித்தது. இதனால் முதல் அரையிறுதி ஆட்டத்தில் இந்தியா - நியூசிலாந்து அணிகள் மோதுகின்றன.

இந்நிலையில் நாங்கள் ஆஸ்திரேலியாவை வீழ்த்தியதால் இந்தியா சந்தோசம் அடைந்திருக்கும் என தென்ஆப்பிரிக்கா அணி கேப்டன் டு பிளிசிஸ் தெரிவித்துள்ளார்.

இதுகுறித்து டு பிளிசிஸ் கூறுகையில் ‘‘நாங்கள் ஆஸ்திரேலியாவை வீழ்த்தியதால் இந்தியா நிச்சயம் சந்தோசம் அடைந்திருக்கும் என நினைக்கிறேன். ஏனென்றால், நியூசிலாந்து கடைசி மூன்று போட்டிகளில் தொடர்ச்சியாக தோல்வியடைந்துள்ளது. இந்தியா - இங்கிலாந்து அணிகள் இறுதிப் போட்டிகளில் விளையாட வாய்ப்புள்ளது’’ என்றார்.

உலகக்கோப்பை கிரிக்கெட் தொடரில் ஆஸ்திரேலிய அணி சிறப்பான ஆட்டத்தை வெளிப்படுத்தி அரையிறுதிக்கு முன்னேறியது. இந்தியா மற்றும் தென்ஆப்பிரிக்கா அணிகளுக்கு எதிரான ஆட்டத்தில் மட்டுமே தோல்வியடைந்தது.

அந்த அணியில் மிடில் ஆர்டர் பேட்ஸ்மேன் உஸ்மான் கவாஜா இடம்பிடித்திருந்தார். தற்போது அவருக்கு ஹாம்ஸ்டிரிங் (தொடைப்பகுதியில்) இன்ஜூரி ஏற்பட்டுள்ளதால் அணியில் இருந்து விலகியுள்ளார்.

அவருக்குப் பதிலாக விக்கெட் கீப்பர் பேட்ஸ்மேனான மேத்யூ வடேவை மாற்று வீரராக தேர்வு செய்துள்ளது ஆஸ்திரேலியா. மேலும், மார்கஸ் ஸ்டாய்னிஸ்க்கும் காயம் ஏற்பட்டிருப்பதாகவும், அவருக்குப் பதிலாக மிட்செல் மார்ஷ் சேர்க்கப்படலாம் எனவும் தகவல் தெரிவிக்கின்றன.

இங்கிலாந்தில் நடைபெற்று வரும் உலகக்கோப்பை கிரிக்கெட் தொடரின் லீக் ஆட்டங்கள் நேற்றுடன் முடிவடைந்தன. இதில் புள்ளிகள் அடிப்படையில் இந்தியா, ஆஸ்திரேலியா, இங்கிலாந்து, நியூசிலாந்து அணிகள் முறையே ஒன்று முதல் நான்கு இடங்களை பிடித்துள்ளது.

ஒரு அரையிறுதியில் இந்தியா - நியூசிலாந்து அணிகள் மோதுகின்றன. இந்த போட்டியில் இநு்தியா வெற்றி பெறும் என சோயிப் அக்தர் தெரிவித்துள்ளார்.