உலக கோப்பைச்செய்திகள்

உலகக்கோப்பை கிரிக்கெட் தொடரில் ஆஸ்திரேலியா சிறப்பான ஆட்டத்தை வெளிப்படுத்தி வருகிறது. அந்த அணியில் இடது கை பேட்ஸ்மேனான ஷான் மார்ஷ் இடம்பிடித்திருந்தார். அவர் பயிற்சியில் ஈடுபட்டுக் கொண்டிருக்கும்போது பேட் கம்மின்ஸ் வீசிய பந்து கையை பலமாக தாக்கியது.

இதனால் உடனடியாக மருத்துவசோதனைக்கு உட்படுத்தப்பட்டார். அதில் அவரது கையில் முறிவு ஏற்பட்டிருந்தது தெரியவந்தது. இதனால் உடனடியாக அவர் அணியில் இருந்து நீக்கப்பட்டுள்ளார். அவருக்குப் பதிலாக பீட்டர் ஹேண்ட்ஸ்காம்ப் அணியில் சேர்க்கப்பட்டுள்ளார்.

வங்காள தேச அணிக்கெதிராக அதிரடியாக விளையாட விரும்பிய இந்திய அணி கேஜர் ஜாதவை நீக்கிவிட்டு தினேஷ் கார்த்திக்கை அணியில் சேர்த்தது. விஜய் சங்கர் ஏற்கனவே அணியில் இருந்து விலகியதால் அவருக்குப் பதிலாக ரிஷப் பந்த் விளையாடி வருகிறார்.

இதனால் இந்தியா பும்ரா, புவி, முகமது ஷமி, ஹர்திக் பாண்டியா, சாஹல் ஆகிய ஐந்து பந்து வீச்சாளர்களுடன்தான்  விளையாடியது. கூடுதல் பந்து வீச்சாளர்கள் இல்லாததால் ஐந்து பேரும் 10 ஓவர்களை நிறைவு செய்ய வேண்டும் என்ற நிலை ஏற்பட்டது.

ஆல்-ரவுண்டரான ஹர்திக் பாண்டியா பெரும்பாலும் 10 ஓவர்களை நிறைவு செய்வதில்லை. நேற்றைய போட்டியில் கட்டாயமாக 10 ஓவர்கள் வீசியாக வேண்டும் என்ற கட்டாயத்திற்கு தள்ளப்பட்டார். ஆனால் சிறப்பாக பந்து வீசி 3 விக்கெட்டுக்கள் வீழ்த்தி அணியின் வெற்றிக்கு முக்கிய காரணமாக இருந்தார்.


எப்படி ரன்கள் அடிக்க வேண்டும், விக்கெட் வீழ்த்துவது எப்படி என்ற வழியை கண்டுபிடித்துள்ளார். அணியின் வெற்றிக்கு தன்னுடைய பங்கு எப்படி இருக்க வேண்டும் என்பதை எதிர்பார்த்து கொண்டிருக்கிறார். இது அவருடைய கிரிக்கெட்டிற்க மிகவும் உதவிகரமாக இருக்கும்.

ஹர்திக் பாண்டியா பந்து வீச வரும்போது, அவரை ஒரு பேட்ஸ்மேனாக நினைப்பார். பேட்ஸ்மேன் திணறும் வகையில் பந்து வீச விரும்புவார். ஏனென்றால், அவர்களின் உடல் அசைவுகளை அவரால் கணிக்க இயலும். இந்தியா அணிக்காக ஹர்திக் பாண்டியா சிறப்பாக பந்து வீசி கொண்டிருக்கிறார்’’ என்றார்.

உலகக்கோப்பை தொடருக்கு முன் வெஸ்ட் இண்டீஸ் இங்கிலாந்துக்கு எதிராக ஐந்து போட்டிகள் கொண்ட ஒருநாள் கிரிக்கெட் தொடரில் விளையாடியது.  இதில் கிறிஸ் கெய்ல் ருத்ர தாண்டவம் ஆடினார்.

முதல் போட்டியில் 129 பந்தில் 135 ரன்கள் குவித்தார். 2-வது போட்டியில் 63 பந்தில் 50 ரன்கள் சேர்த்தார். 3-வது போட்டி கைவிடப்பட்டது. 4-வது போட்டியில் 97 பந்தில் 14 சிக்ஸ், 11 பவுண்டரியுடன் 162 ரன்கள் குவித்தார்.

ஐந்தாவது போட்டியில் 27 பந்தில் 5 பவுண்டரி, 9 சிக்சருடன் 77 ரன்கள் குவித்தார். இவரது ஆட்டத்தில் 113 இலக்கை வெஸ்ட் இண்டீஸ் 12.1 ஓவரிலேயே எட்டியது.


இங்கிலாந்து தொடரின் பார்ம் உலகக்கோப்பை தொடரிலும் நீடிக்கும். இதனால் உச்சக்கட்ட புகழோடு ஓய்வு பெற்று விடலாம் என்று நினைத்த கெய்ல், ‘‘உலகக்கோப்பை கிரிக்கெட் தொடர்தான் என்னுடைய கடைசி சர்வதேச போட்டியாக இருக்கும்’’ என்றார்.

ஆனால் 9 போட்டிகள் கொண்ட ராபின் ரவுண்டில் கிறிஸ் கெய்லால் மிகப்பெரிய அளவில் சாதிக்க முடியவில்லை.  9 போட்டிகளில் 242 ரன்களே சேர்த்தார். சராசரி 30.25 ஆகும். இரண்டு அரைசதங்கள் மட்டுமே அடித்துள்ளார்.

மிகவும் எதிர்பார்க்கப்பட்ட உலகக்கோப்பை கிரிக்கெட் தொடரில் அவருக்கு ஏமாற்றமே மிஞ்சியது. இதனால் தனது ஓய்வு முடிவை தள்ளிப்போட்டுள்ளார்.

இங்கிலாந்து அதிகபட்சமாக 7 சதங்கள் (பேர்ஸ்டோவ்-2, ஜோ ரூட் -2, ஜேசன் ராய், மோர்கன், பட்லர் தலா ஒன்று) விளாசியுள்ளது. ஐந்து சதங்களுடன் (ரோகித் சர்மா-4, தவான் -1) இந்தியா 2-வது இடத்தில் உள்ளது. ஆஸ்திரேலியா நான்கு சதங்களும், வங்காள தேசம் மூன்று சதங்களும், நியூசிலாந்து மற்றும் வெஸ்ட் இண்டீஸ் இரண்டு சதங்களும், இலங்கை, பாகிஸ்தான் அணிகள் தலா ஒரு சதமும் அடித்துள்ளன.

12-வது உலகக்கோப்பை கிரிக்கெட் போட்டி இங்கிலாந்தில் கடந்த மே மாதம் 30-ந் தேதி தொடங்கியது. 10 நாடுகள் பங்கேற்ற இந்தப் போட்டியில் ‘லீக்’ ஆட்டங்கள் முடியும் தருவாயில் உள்ளது. நேற்றுடன் 41 ஆட்டங்கள் முடிந்து விட்டன. இன்னும் 4 ஆட்டங்கள் எஞ்சியுள்ளன.

ஆஸ்திரேலியா முதல் அணியாகவும், இந்தியா 2-வது அணியாகவும், இங்கிலாந்து 3-வது அணியாகவும் அரையிறுதிக்கு தகுதி பெற்றன. 4-வது அணியாக நியூசிலாந்து அணி அரை இறுதிக்கு தகுதிபெற இருக்கிறது.

நியூசிலாந்து அணி 5 வெற்றி, 3 தோல்வி, ஒரு முடிவு இல்லை ஆகியவற்றுடன் 11 புள்ளிகள் பெற்றுள்ளன. பாகிஸ்தான் அணி 4 வெற்றி, 3 தோல்வி, ஒரு முடிவு இல்லை ஆகியவற்றுடன் 9 புள்ளிகள் பெற்றுள்ளது.

பாகிஸ்தான் அணி கடைசி ‘லீக்’ ஆட்டத்தில் வங்காளதேசத்தை நாளை (5-ந்தேதி) சந்திக்கிறது. இதில் பாகிஸ்தான் வெற்றி பெற்றால் அந்த அணியும், நியூசிலாந்தும் 11 புள்ளியுடன் சமநிலையில் இருக்கும். நிகர ரன் ரேட்டில் ஒரு அணி முன்னேறும்.

நியூசிலாந்தின் ரன் ரேட் +1.75 ஆகும். பாகிஸ்தான் ரன் ரேட் -0.792 ஆகும். ரன் ரேட்டில் மிகவும் மோசமாக இருப்பதால் வங்காளதேசத்தை மிகப்பெரிய ரன் வித்தியாசத்தில் வெற்றி பெற்றால்தான் பாகிஸ்தான் தகுதி பெற முடியும். இது மிகவும் இயலாத ஒன்றாகும்.

பாகிஸ்தான் முதலில் விளையாடி 350 ரன் குவித்தால் 311 ரன் வித்தியாசத்தில் வெல்ல வேண்டும். 400 ரன் குவித்தால் 316 ரன்னிலும், 450 ரன் குவித்து 321 ரன் வித்தியாசத்திலும் வெல்ல வேண்டும்.

வங்காள தேசம் முதலில் பேட்டிங் செய்தால் எந்த பலனும் இல்லை. இதனால் பாகிஸ்தான் அணி அரை இறுதிக்கு தகுதி பெற முடியாது. அந்த அணி வெளியேற்றப்படுகிறது. நியூசிலாந்து அரை இறுதிக்கு தகுதி பெறுகிறது.

இலங்கை, வங்காளதேசம், தென் ஆப்பிரிக்கா, வெஸ்ட் இண்டீஸ், ஆப்கானிஸ்தான் ஆகிய அணிகள் ஏற்கனவே வெளியேறி இருந்தன.


புள்ளிகள் பட்டியலில் முதல் இடத்தை பிடிக்கும் அணியும், 4-வது இடத்தை படிக்கும் அணியும் முதல் அரையிறுதியில் மோதும். 2-வது, 3-வது இடத்தை பிடிக்கும் அணிகள் 2-வது அரையிறுதியில் மோதும்.

விராட் கோலி தலைமையிலான இந்திய அணி 6 வெற்றி, 1 தோல்வி, ஒரு முடிவு இல்லை ஆகியவற்றுடன் 13 புள்ளிகள் பெற்று 2-வது இடத்தில் உள்ளது.

இந்திய அணி கடைசி ‘லீக்’ ஆட்டத்தில் இலங்கையுடன் 6-ந் தேதி மோதுகிறது. இதில் வெற்றி பெற்று ஆஸ்திரேலிய அணி கடைசி ஆட்டத்தில் தென் ஆப்பிரிக்காவிடம் தோற்றால் இந்திய அணி முதல் இடத்தை பிடிக்கும்.


இந்திய அணி இலங்கையை வென்று, ஆஸ்திரேலிய அணி தென் ஆப்பிரிக்காவை வீழ்த்தினால் தற்போதுள்ள நிலமைப்படி ஆஸ்திரேலியா முதல் இடத்திலும், இந்தியா 2-வது இடத்திலும் 16 மற்றும் 15 புள்ளிகளுடன் அதே நிலையில் நீடிக்கும். அப்படி நிகழ்ந்தால் இந்திய அணி அரை இறுதியில் இங்கிலாந்தை சந்திக்கும். ஆஸ்திரேலிய அணி நியூசிலாந்தை எதிர் கொள்ளும்.

ஒருவேளை இந்திய அணி இலங்கையிடம் தோற்றாலும் இங்கிலாந்தைதான் அரையிறுதியில் சந்திக்க வேண்டும்.

இங்கிலாந்து - நியூசிலாந்து இடையிலான ஆட்டம் செஸ்டர்-லீ-ஸ்ட்ரீட்டில் உள்ள மைதானத்தில் நடைபெற்று வருகிறது. முதலில் பேட்டிங் செய்த இங்கிலாந்து 8 விக்கெட் இழப்பிற்கு 305 ரன்கள் குவித்தது. நியூசிலாந்து வேகப்பந்து வீச்சாளர் டிரென்ட் போல்ட் 10 ஓவரில் 56 ரன்கள் விட்டுக்கொடுத்து ஜோஸ் பட்லர், ஜோ ரூட் ஆகியோரை வீழ்த்தினார்.

இந்த இரண்டு விக்கெட்டுக்கள் மூலம் போல்ட் உலகக்கோப்பை கிரிக்கெட்டில் 37 விக்கெட்டுக்கள் கைப்பற்றி, அதிக விக்கெட் வீழ்த்திய நியூசிலாந்து வீரர் என்ற பெருமையை பெற்றுள்ளார்.

இதற்கு முன் ஜேக்கப் ஓரம் 36 மற்றும் டேனியல் வெட்டோரி ஆகியோர் தலா 36 விக்கெட்டுக்களும், டிம் சவுத்தி 34 விக்கெட்டுக்களும், கிறிஸ் ஹாரிஸ் 32 விக்கெட்டுக்களும் வீழ்த்தியிருந்தனர்.

இங்கிலாந்து - நியூசிலாந்து அணிகள் மோதும் உலகக்கோப்பை கிரிக்கெட் தொடரின் 41-வது லீக்  செஸ்டர்-லீ-ஸ்ட்ரீட்டில் உள்ள மைதானத்தில் நடைபெற்று வருகிறது. இங்கிலாந்து அணி கேப்டன் மோர்கன் டாஸ் வென்று பேட்டிங் தேர்வு செய்துள்ளார்.

அதன்படி இங்கிலாந்து அணியின் ஜேசன் ராய், பேர்ஸ்டோவ் ஆகியோர் தொடக்க வீரர்களாக களம் இறங்கினர். இருவரும் தொடக்கம் முதலே அதிரடி ஆட்டத்தை வெளிப்படுத்தினர். இதனால் ஸ்கோர் ஜெட் வேகத்தில் உயர்ந்தது.

முதல் பவர்பிளேயான 10 ஓவரில் இங்கிலாந்து விக்கெட் இழப்பின்றி 67 ரன்கள் குவித்தது. 14.4 ஓவரில் இங்கிலாந்து 100 ரன்னைத் தொட்டது. ஜேசன் ராய் 55 பந்தில் அரைசதமும், பேர்ஸ்டோவ் 46 பந்தில் அரைசதமும் அடித்தனர். இங்கிலாந்து 18.4 ஓவரில் 123 ரன்கள் எடுத்திருக்கும்போது ஜேசன் ராய் - பேர்ஸ்டோவ் ஜோடி பிரிந்தது. ராய் 61 பந்தில் 60 ரன்கள் சேர்த்து ஆட்டமிழந்தார்.


110 பந்துகளுடன் கைவசம் 7 விக்கெட் இருந்ததால் இங்கிலாந்து எளிதாக 300 ரன்களை கடக்கும் என்று எதிர்பார்க்கப்பட்டது. ஆனால் பட்லர் 11 ரன்னிலும், ஜோ ரூட் 24 ரன்னிலம், பென் ஸ்டோக்ஸ் 11 ரன்னிலும், மோர்கன் 42 ரன்னிலும் ஆட்டமிழந்தனர்.

கடைநிலை வீரர்களான ரஷித் 16 ரன்களும், பிளங்கெட் 15 ரன்களும் அடிக்க இங்கிலாந்து 50 ஓவரில் 8 விக்கெட் இழப்பிற்கு 305 ரன்கள் சேர்த்துள்ளது. 306 ரன்கள் அடித்தால் வெற்றி என்ற இலக்குடன் நியூசிலாந்து பேட்டிங் செய்து வருகிறது.