என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
ஹூன்டாய் AH2 இந்திய வெளியீட்டு தேதி அறிவிக்கப்பட்டது
Byமாலை மலர்1 Sep 2018 11:19 AM GMT (Updated: 1 Sep 2018 11:19 AM GMT)
ஹூன்டாய் நிறுவனத்தின் AH2 கார் இந்தியாவில் பல மாதங்களாக சோதனை செய்யப்பட்ட நிலையில், இதன் வெளியீட்டு தேதி அறிவிக்கப்பட்டுள்ளது. #Hyundai
ஹூன்டாய் நிறுவனத்தின் புதிய ஹேட்ச்பேக் மாடலின் வெளியீட்டு தேதி வெளியாகியுள்ளது. புதிய ஹூன்டாய் கார் AH2 என்ற பெயரில் பல மாதங்களாக சோதனை செய்யப்பட்டு வந்த நிலையில், அக்டோபர் 23-ம் தேதி இந்தியாவில் அறிமுகம் செய்யப்பட இருக்கிறது.
புதிய ஹூன்டாய் AH2 கார் சான்ட்ரோ என்ற பெயரில் அறிமுகம் செய்யப்படலாம் என அதிகம் எதிர்பார்க்கப்படுகிறது. இந்திய சந்தையில் அதிக பிரபலமான பிரான்டாக விளங்கிய சான்ட்ரோ கார் புதிய அம்சங்களுடன் மீண்டும் வெளியிடப்படலாம் என்றும், இந்த கார் மாருதி சுசுகி ஆல்டோ K10, ரெனால்ட் க்விட், டாடா டியாகோ மற்றும் மாருதி சுசுகி செலரியோ போன்ற மாடல்களுக்கு போட்டியாக இருக்கும் என கூறப்படுகிறது.
ஹூன்டாயின் புதிய கார் கிரான்ட் i10 மாடலுக்கு கீழ் நிலைநிறுத்தப்பட்டு, தற்போதைய இயான் மாடலுக்கு மாற்றாக அமையும் என கூறப்படுகிறது. முன்னதாக இந்த காரின் வரைபடத்தை ஹூன்டாய் வெளியிட்டது, அதன்படி கார் கூர்மையான வடிவமைப்பு மற்றும் சற்றே வளைந்திருக்கும் ரூஃப்லைன் மற்றும் கம்பீரமான ஷோல்டர் லைன் கொண்டிருப்பது தெரியவந்துள்ளது.
இதுவரை கிடைத்திருக்கும் தகவல்களில் ஹூனடாய் சான்ட்ரோ மாடல் அறிமுகமாகும் பட்சத்தில் புதிய ஹேட்ச்பேக் இயான் மாடலுக்கு மாற்றாக அமையும் என கூறப்படுகிறது. புதிய காரின் கேபின் பல்வேறு அம்சங்களுடன் பிரீமியம் ஃபினிஷ் கொண்டிருக்கிறது. புதிய சான்ட்ரோ மாடலில் 1.1 லிட்டர் பெட்ரோல் இன்ஜின் மற்றும் BS-VI எமிஷன் மற்றும் AMT யூனிட் கொண்டிருக்கும் என கூறப்படுகிறது.
உள்புறம் ஹூன்டாய் மாடலில் டூயல்-டோன் வடிவமைப்பு மற்றும் தலைசிறந்த உபகரணங்கள் வழங்கப்படலாம் என கூறப்படுகிறது. புதிய காரில் வசதியான இருக்கைகள், கால் வைக்கும் வசதி மற்றும் ஹெட்ரூம் வழங்கப்படுகிறது. இதன் டாப்-என்ட் மாடலின் இன்ஃபோடெயின்மென்ட் சிஸ்டம் மற்றும் மல்டி-இன்ஃபர்மேஷன் இன்ஸ்ட்ரூமென்ட் கிளஸ்டர் வழங்கப்பட இருக்கிறது. #Hyundai
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X