சென்னை:
மறைந்த தி.மு.க. தலைவர் கருணாநிதிக்கு நினைவஞ்சலி செலுத்தும் நிகழ்ச்சி பல்லாவரம் நகரக் கழகம் சார்பில் குரோம்பேட்டை ஆனந்தா திருமண மண்டபத்தில் நடந்தது. கூட்டத்துக்கு நகர செயலாளர் இ.கருணாநிதி எம்.எல்.ஏ. தலைமை தாங்கினார்.
மலர்களால் அங்கரித்து வைக்கப்பட்டிருந்த தலைவர் கலைஞரின் திருவுருவப்படத்துக்கு இ.கருணாநிதியும், நகர கழக நிர்வாகிகளும் புகழ் அஞ்சலி செலுத்தி பேசினார்கள்.
உழைப்பு, உழைப்புக்கு மறுபெயர் தளபதி என்று கலைஞரால் பாராட்ட பெற்றவரும் 1½ கோடி தொண்டர்களின் அன்பை பெற்றவரும், கலைஞரின் இதயத்தை இரவலாக பெற்றவருமான மு.க.ஸ்டாலின் தி.மு.க. தலைவராக பொறுப்பேற்க வேண்டும் என்று ஒருமனதாக தீர்மானம் நிறைவேற்றப்பட்டது.
நகரச் செயலாளர் இ.கருணாநிதி எம்.எல்.ஏ. இந்த தீர்மானத்தை வாசித்து நிறைவேற்றினார்.
கூட்டத்தில் பொதுக்குழு உறுப்பினர்கள் ரஞ்சன், தாமோதரன், மணிமேகலை, முஜிப்பூர் ரகுமான், வெங்கடேசன், இ.ஜோசப் அண்ணாதுரை, ராஜாராமன், ரமேஷ், சிலம்பரசன், ஜானகிராமன், இம்சமாம் உள்பட ஏராளமானோர் கலந்து கொண்டனர்.
