லாலாபேட்டையில் செல்போன் திருடியவர் கைது

லாலாபேட்டை:

கரூர் பசுபதிபாளையத்தைச் சேர்ந்தவர் கதிர்வேல். இவரது மகன் சண்முகசுந்தரம் (வயது17). இவர் துறையூர் நரிக்குறவர் காலனியை சேர்ந்த சபிலா (40) என்பவருடன் சேர்ந்து லாலாபேட்டை புனவாசிப்பட்டியில் வியாபாரம் செய்து கொண்டிருந்தார்.

அப்போது சண்முகசுந்தரம், சபிலாவிடம் இருந்த செல்போனை திருடி கொண்டு தப்பி ஓட முயன்றார். உடனே அக்கம் பக்கத்தினர் விரட்டி சென்று சண்முகசுந்தரத்தை மடக்கி பிடித்து லாலாபேட்டை போலீசில் ஒப்படைத்தனர். விசாரணையில் சண்முகசுந்தரம் செல்போன் திருடியது தெரியவந்தது. அவரை போலீசார் கைது செய்து விசாரித்து வருகிறார்கள்.