பல்லடம் அருகே பஸ் மோதி ஊராட்சி மன்ற செயலர் பலி

பல்லடம்:

திருப்பூர் மாவட்டம் பொங்கலூர் அய்யப்பா நகரை சேர்ந்தவர் பாலசுப்பிரமணியம் (வயது 38).

பொங்கலூர் வடக்கு அவினாசிபாளையம் ஊராட்சி மன்ற செயலராக இருந்தார். நேற்று மாலை வேலை முடிந்து மொபட்டில் வீட்டுக்கு புறப்பட்டார். செட்டிபாளையம் சாலையில் சென்றபோது எதிரே வந்த அரசு பஸ் மோதியது.

இதில் தூக்கி வீசப்பட்ட பாலசுப்பிரமணியம் பலத்த காயம் அடைந்தார். அக்கம் பக்கத்தினர் அவரை மீட்டு பல்லடம் அரசு ஆஸ்பத்திரிக்கு அனுப்பி வைத்தனர். அங்கு அவரை பரிசோதனை செய்த டாக்டர் அவர் ஏற்கனவே இறந்து விட்டதாக தெரிவித்தார்.

இது குறித்து அவினாசிபாளையம் போலீசார் வழக்குப்பதிவு செய்து விசாரணை நடத்தி வருகிறார்கள்.