தக்கோலம்:
அரக்கோணம் ஜோதி நகரை சேர்ந்தவர் பாலாஜி. இவரது மனைவி சித்ரா (30). இவர்களுக்கு கடந்த 7 ஆண்டுகளுக்கு முன்பு திருமணம் நடந்தது. 2 பெண் குழந்தைகள் உள்ளனர். கணவன், மனைவி இடையே ஏற்பட்ட கருத்து வேறுபாடு காரணமாக சித்ரா கணவரை விட்டு பிரிந்து வாடகைக்கு தனியாக வீடு எடுத்து வசித்து வந்தார்.
இந்த நிலையில் நேற்றிரவு வீட்டில் இருந்த மின்விசிறியில் தூக்கிட்டு தற்கொலை செய்து கொண்டார். இன்று காலை கண் விழித்த சித்ராவின் மகள்கள் தாய் தூக்கில் பிணமாக தொங்குவதை கண்டு அதிர்ச்சி அடைந்தனர்.
இதுகுறித்து அரக்கோணம் கிராம நிர்வாக அலுவலருக்கு தகவல் கொடுத்தனர். அவர் அரக்கோணம் டவுன் போலீசாருக்கு தகவல் கொடுத்தார். சம்பவ இடத்திற்கு சப்-இன்ஸ் பெக்டர் மஞ்சுநாத் மற்றும் போலீசார் விரைந்து வந்து சித்ராவின் உடலை மீட்டு பிரேத பரிசோதனைக்கு அரக்கோணம் அரசு ஆஸ்பத்திரிக்கு அனுப்பி வைத்தனர். மேலும் சித்ரா எதற்காக தற்கொலை செய்தார் என வழக்குபதிவு செய்து விசாரணை நடத்தி வருகின்றனர்.
