கோவில் திருவிழாவில் மோதல்: கத்தியுடன் சிறுவர்கள் உள்பட 10 பேர் கைது

ராயபுரம்:

தண்டையார்பேட்டை, நேதாஜிநகரில் உள்ள முருகன் கோவிலில் கடந்த 19-ந்தேதி திருவிழா நடைபெற்றது. இதில் இருதரப்பினருக்கு இடையே மோதல் ஏற்பட்டது.

இந்த நிலையில் தண்டையார்பேட்டை வைத்திய நாதன் மேம்பாலம் அருகே போலீசார் வாகன சோதனையில் ஈடுபட்டபோது ஆட்டோவில் கத்தி, அரிவாளுடன் வந்த அந்த பகுதியை சேர்ந்த திவாகர், மணிகண்டன், அக்பர் மற்றும் 17 வயதுடைய 2 சிறுவர்களை கைது செய்தனர்.

இதேபோல் தண்டையார் பேட்டை ஐ.ஓ.சி. பஸ்நிலையம் அருகே கத்தியுடன் பதுங்கி இருந்த மற்றொரு தரப்பை சேர்ந்த 2 சிறுவர்கள் மற்றும் சையது, ஆசிப், அப்பாஸ் ஆகியோர் கைது செய்யப்பட்டனர்.