பரமத்திவேலூர்:
பரமத்தி அருகே பிள்ளைக்களத்தூர் ஊராட்சிக்குட்பட்ட பிள்ளைக்களத்தூர், சுள்ளிக்காடு, வில்லிபாளையம் மற்றும் நாமக்கல் செல்லும் பைபாஸ் சாலை அருகே உள்ள குட்டை ஆகிய 4 இடங்களில் உள்ள ஆழ்துளை கிணறுகளில் இருந்து மின் மோட்டார் அறைக்கு செல்லும் மின்கேபிள் வயர்களை மர்மநபர்கள் திருடி சென்று விட்டதாக பிள்ளைக்களத்தூர் ஊராட்சி மன்ற தலைவர் வனிதா பரமத்தி போலீசில் புகார் செய்துள்ளார்.
இதேபோல் பில்லூர் ஊராட்சிக்குட்பட்ட மொட்டையாம்பாளையம் கிராமத்திற்கு குடிநீர் வழங்கும் பில்லூர் மற்றும் அர்த்தனாரிபாளையம் உள்ளிட்ட பகுதிகளில் ஆழ்துளை கிணறுகளில் இருந்து மின்மோட்டார் அறைக்கு செல்லும் மின்கேபிள் வயர்களை மர்ம நபர்கள் திருடி சென்று விட்டதாக பில்லூர் ஊராட்சி மன்றத்தலைவர் சரண்யா பரமத்தி போலீசில் புகார் செய்தார். இந்த 2 புகார்கள் குறித்தும் பரமத்தி போலீசார் வழக்குப்பதிவு செய்து மின்கேபிள் வயர்களை திருடி சென்ற மர்ம நபர்கள் குறித்து விசாரணை நடத்தி வருகின்றனர்.
