தருமபுரி,
தருமபுரி மாவட்டம், பாப்பிரெட்டிப்பட்டி அடுத்துள்ள மெணசி பகுதியை சேர்ந்தவர் 19 வயது மாணவி. இவர் சேலம் தனியார் கல்லூரியில் படித்து வந்தார். மேலும் மாலை நேரங்களில் தட்டச்சி பயின்று வந்தார்.
இந்த நிலையில் நேற்று தட்டச்சி பயிற்சி பெறுவதற்காக சென்றார். பின்னர் வெகுநேரமாகியும் அவர் வீடு திரும்பவில்லை. இதனால் அவரை உறவினர் வீடு உள்பட பல்வேறு இடங்களில் தேடி பார்த்தனர். ஆனால் எங்கு தேடியும் அவர் கிடைக்கவில்லை.
இது குறித்து பாப்பிரெட்டிப்பட்டி போலீசார் வழக்குபதிவு செய்து மாயமான கல்லூரி மாணவியை தேடி வருகின்றனர்.
பாலக்கோடு அடுத்துள்ள மண்டுகொட்டாய் பகுதியை சேர்ந்தவர் 20 வயது மாணவி. இவர் தருமபுரியில் உள்ள தனியார் கல்லூரியில் படித்து வந்தார். கடந்த 4-ந்தேதி அன்று வீட்டில் டிவி பார்த்து கொண்டிருந்த மாணவி திடீரென மாயமானார். இதனால் அவரை பல்வேறு இடஙகளில் தேடியும் கிடைக்கவில்லை.
மாரண்டஅள்ளி அடுத்துள்ள திருமல்வாடி பகுதியை சேர்ந்தவர் 15 வயது 10-ம் வகுப்பு மாணவி. இவர் பொதுத்தேர்வில் தோல்வி அடைந்துள்ளதால் திரும்பவும் தேர்வு எழுத அங்குள்ள பயிற்சி வகுப்பில் படித்து வந்தார். இந்தநிலையில் நேற்று வழக்கம் போல் படிக்க சென்றார். பின்னர் மாலை வெகுநேரமாகியும் அவர் வீடு திரும்பவில்லை.இதனால் அவரை பல்வேறு இடஙகளில் தேடியும் கிடைக்கவில்லை.
இது குறித்து அவரது தந்தை மாரண்டஅள்ளி போலீசில் எனது மகளை ஜருகு பகுதியை சேர்ந்த முனுசாமி மகன் மோகன் என்பவர் கடத்தி சென்றிருக்கலாம் என புகார் கொடுத்தார். அந்த புகாரின் பேரில் போலீசார் வழக்குபதிவு செய்து விசாரணை நடத்தி வருகின்றனர்.
மகேந்திரமங்கலம் அடுத்துள்ள கக்கசமுத்திரம் பகுதியை சேர்ந்தவர் பாலகிருஷ்ணன். இவரது மகள் பவித்ரா (22). இவருக்கு கடந்த 5 வருடத்திற்கு முன்பு திருமணம் நடந்தது. இந்த நிலையில் கணவன்-மனைவிக்கு இடையே ஏற்பட்ட தகராறில் பவித்ரா தனது தாய் வீட்டில் வசித்து வந்தார். அங்கிருந்து பவித்ரா தளி அருகேயுள்ள ஒரு தனியார் நிறுவனத்தில் வேலை பார்த்து வந்தார்.
நேற்று வழக்கம் போல் வீட்டில் இருந்து வேலைக்கு சென்றார். பின்னர் மாலையில் வெகுநேரமாகியும் அவர் வீடு திரும்பவில்லை. இதனால் அவரை பல்வேறு இடஙகளில் தேடியும் கிடைக்கவில்லை.இது குறித்து மகேந்திர மங்கலம் போலீசார் வழக்குபதிவு செய்து விசாரணை நடத்தி வருகின்றனர்.
