தேனி:
தேனி பங்களாமேடு பகுதியைச் சேர்ந்தவர் ராஜூ மனைவி ராஜபந்தானம் (வயது 70). சம்பவத்தன்று கடைக்கு செல்வதாக கூறிச் சென்ற மூதாட்டி இரவு வெகுநேரமாகியும் வீடு திரும்பவில்லை. அக்கம் பக்கம் மற்றும் உறவினர் வீடுகளில் தேடிப்பார்த்தும் கிடைக்காததால் தேனி போலீசில் புகார் அளிக்கப்பட்டது. போலீசார் வழக்கு பதிவு செய்து அவரை தேடி வருகின்றனர்.
தேனி அருகே வட புதுப்பட்டியைச் சேர்ந்தவர் முத்தீஸ்வரி (20). இவர் பிளஸ்-2 முடித்து விட்டு வீட்டில் இருந்து வந்தார். சம்பவத்தன்று வீட்டில் இருந்த அவர் திடீரென மாயமானார். இதனால் அதிர்ச்சியடைந்த அவரது தாயார் பல்வேறு இடங்களில் தேடிப்பார்த்தும் கிடைக்காததால் அல்லி நகரம் போலீசில் புகார் அளித்தார். போலீசார் வழக்கு பதிவு செய்து அவரை தேடி வருகின்றனர்.
ஆண்டிபட்டி அருகே க.விலக்கு பிஸ்மி நகரைச் சேர்ந்தவர் கலையரசன் மகன் கவியரசன் (26). சம்பவத்தன்று வெளியே சென்ற கவியரசன் இரவு வெகுநேரமாகியும் வீடு திரும்பவில்லை. இது குறித்த புகாரின் பேரில் க.விலக்கு போலீசார் வழக்கு பதிவு செய்து விசாரித்து வருகின்றனர்.
ஓடைப்பட்டியைச் சேர்ந்தவர் அருள் மகன் கரன் (19). இவர் கோவையில் உள்ள தனியார் ஓட்டலில் வேலை பார்த்து வருகிறார். சம்பவத்தன்று உறவினர் வீட்டு விசேஷத்துக்காக சொந்த ஊர் திரும்பினார். மீண்டும் ேவலைக்கு செல்வதாக வீட்டில் கூறிச் சென்றார். ஆனால் அவர் அங்கு செல்லவில்லை. இது குறித்து ஓடைப்பட்டி போலீசில் அளித்த புகாரின் பேரில் போலீசார் வழக்கு பதிவு செய்து அவரை தேடி வருகின்றனர்.
