திருமானூர்,
அரியலூர் மாவட்டம் திருமானூர் ஒன்றியத்துக்கு உட்பட்ட பகுதிகளில் இந்திய கம்யூனிஸ்ட் கட்சி ஒன்றிய குழு சார்பாக கிராமப்புறங்களில் மே தினத்தை முன்னிட்டு கட்சி கொடியும் தொழிலாளர்கள் கொடியும் ஏற்றப்பட்டு இனிப்பு வழங்கி கொண்டாடப்பட்டது. நிகழ்ச்சியில் திருமானூர் ஒன்றிய செயலாளர் கனகராஜ் தலைமையில், மாவட்ட துணை செயலாளர் கலியபெருமாள் முன்னிலையிலும் மாவட்ட குழு உறுப்பினர் ஆறுமுகம், திருமானூர், திருவேங்கனூர், சுள்ளங்குடி, விழுப்பணங் குறிச்சி, மற்றும் கோவிலூர் ஆகிய பகுதிகளில் கொடி ஏற்றி வைத்து உறுதிமொழி ஏற்கப்பட்டது. ஒவ்வொரு இடத்திலும் பொதுமக்களுக்கு இனிப்பு வழங்கப்பட்டது. மாவட்ட கட்டுமான தொழிலாளர் சங்க தலைவர் ஜீவா நன்றி கூறினார். இதனை தொடர்ந்து மாலை நடைபெற்ற அரியலூர் பொதுக்கூட்டத்திற்கு ஏராளமான கம்யூனிஸ்ட் தொண்டர்கள் பேரணியாக சென்று கலந்து கொண்டனர்.
