ஜெயங்கொண்டம்:
அரியலூர் மாவட்டம் ஜெயங்கொண்டம் நகராட்சியில் நூற்றுக்கும் மேற்பட்ட தற்காலிக துப்புரவு பணியாளர்கள் பணியாற்றி வருகின்றனர். தொழிலாளர் தினத்தை முன்னிட்டு நகராட்சி துப்புரவு பணியாளர்கள் திருச்சி சாலையில் உள்ள பயணியர் மாளிகையில் இருந்து அண்ணா சிலை, கடைவீதி உள்ளிட்ட முக்கிய வீதிகளின் வழியாக ஊர்வலமாக ஜெயங்கொண்டம் நகராட்சி அலுவலகம் வந்தடைந்தனர். பின்னர் நகராட்சி அலுவலகம் முன்பாக அமைக்கப்பட்டிருந்த கட்சி கொடியை சிலம்புச்செல்வி ஏற்றி வைத்தார். முன்னதாக ஊர்வலத்தை துரை துவக்கி வைத்தார். நிகழ்ச்சியில் லட்சுமி, ஜெயா, சீதா, சபரியப்பன், மணிகண்டன், விமல் ஆகியோர் சிறப்புரையாற்றினர். முடிவில் சிவகுமார் நன்றி கூறினார்.
