கன்னியாகுமரி :
இரணியல் அருகே தலக்குளம் அடுத்த உடையார்பள்ளம் பகுதியைச் சேர்ந்தவர் டென்னிஸ் (வயது 42). இவரது மகள் அபிஷா (18). அபிஷா மணவிளையில் உள்ள ஒரு தனியார் மகளிர் கல்லூரியில் பி.பி.ஏ. படித்து வருகிறார். இவர் நேற்று காலை திங்கள்நகரில் உள்ள ஒரு கம்ப்யூட்டர் சென்டருக்கு சென்று வருவதாக கூறிச்சென்றவர் பின்னர் வீடு திரும்பவில்லை. உறவினர்கள் வீடு உட்பட பல இடங்களில் தேடியும் அவரை கண்டுபிடிக்க முடியவில்லை. இது குறித்து அவரது தாயார் ரத்தினம் (38) இரணியல் போலீசில் புகார் அளித்தார். புகாரின் பேரில் இரணியல் போலீசார் வழக்குப்பதிவு செய்து காணாமல் போன கல்லூரி மாணவியை தேடி வருகின்றனர்.
