நாகர்கோவில் :
தெற்கு ரெயில்வே வெளியிட்டுள்ள செய்திக்குறிப்பில் கூறப்பட்டுள்ளதாவது:
நேமம்-நெய்யாற்றின்கரை ரெயில் நிலையங்களுக்கு இடையே நாளை (சனிக்கிழமை) தண்டவாளம் பராமரிப்பு பணி நடைபெற உள்ளது. இதையொட்டி நாகர்கோவில்-கொல்லம் உள்பட 3 ரெயில்கள் ரத்து செய்யப்படுவதாக தெற்கு ரெயில்வே அறிவித்து உள்ளது. அதன்படி நாளை நாகர்கோவில்-கொல்லம் பயணிகள் ரெயில் (வண்டி எண். 06426), கொல்லம்-நாகர்கோவில் பயணிகள் ரெயில் (வண்டிஎண்.06427), திருவனந்த புரம்-நாகர்கோவில் பயணிகள் ரெயில் (வண்டிஎண்.06433) ஆகிய 3 ரெயில்கள் ரத்து செய்யப்படுகிறது.
மேலும், நாகர்கோவில்-கோட்டயம் முன்பதிவில்லா எக்ஸ்பிரஸ்ரெயில் (வண்டி எண். 16366) திருவனந்தபுரத்தில் இருந்து கோட்டயத்திற்கு இயக்கப்படும். அதாவது நாகர்கோவில் - திருவனந்தபுரம் இடையே ரத்து செய்யப்படுகிறது. இன்று (வெள்ளிக்கிழமை) புறப்படும் மதுரை சந்திப்பு-புனலூர். எக்ஸ்பிரஸ் ரெயில் (வண்டிஎண்.16729) திருநெல்வேலி வரை மட்டுமே இயக்கப்படும். அதாவது நாளை இந்த ரெயில் திருநெல் வேலி-புனலூர் இடையே ரத்து செய்யப்படுகிறது.
புனலூர்-மதுரை எக்ஸ்பிரஸ் ரெயில் (வண்டிஎண்.16730) 18-ந்தேதி திருநெல்வேலியில் இருந்து மதுரைக்கு வழக்கமான நேரத்தில் புறப்படும். அதாவது இந்த ரெயில் புனலூர்-திருநெல்வேலி இடையே ரத்து செய்யப்படுகிறது. நாளை புனலூர்-நாகர்கோவில் பயணிகள் ரெயில் (வண்டிஎண்.06639) திருவனந்தபுரம் வரை மட்டுமே இயக்கப்படும். அதாவது இந்த ரெயில், திருவனந்தபுரம்-நாகர்கோவில் இடையே ரத்து செய்யப்படுகிறது.
இவ்வாறு அதில் கூறப்பட்டுள்ளது.
