மதுரை
தமிழ்நாடு கூட்டுறவு நியாய விலை கடை தொழிலாளர் முன்னேற்றம் சங்கத்தின் பொதுக்குழு கூட்டம் மதுரையில் நடைபெற்றது. இந்த கூட்டத்திற்கு தலைவர் பிச்சை, செல்லப்பாண்டி ஆகியோர் தலைமை தாங்கினர். தனுஷ்கோடி, மந்தகாளை, பெரியசாமி ஆகியோர் முன்னிலை வகித்தனர்.
இந்த கூட்டத்தில் கூட்டுறவு நியாய விலை கடை சங்க பொதுச்செயலாளர் பொன்ராம் கலந்து கொண்டு சிறப்புரையாற்றினார். கூட்டத்தில், கூட்டுறவு சங்க நியாய விலை கடை பணியாளர்க ளுக்கு அகவிலைப்படி அரசு ஊழியர்களுக்கு வழங்குவது போல் வழங்க வேண்டும் என கோரிக்கை விடுத்திருந்தோம். அந்த கோரிக்கையை தமிழக முதல்-அமைச்சர் உடனடியாக நிறைவேற்றி இருக்கிறார்.
கருணை உள்ளத்துடன் தீபாவளி முன்பணம் வழங்கி நியாய விலை கடை தொழிலாளர்களுக்கு தீபாவளி போனஸ் அறிவித்துள்ளார். இதற்காக முதல்-அமைச்சர் மு.க.ஸ்டாலினுக்கு நன்றியை தெரிவித்துக் கொள்கிறோம் என்று தீர்மானம் நிறை வேற்றப்பட்டது.
கூட்டத்தில் கருணாநிதி, ராமர், பக்ருதீன், பாஸ்கரன் அழகுமலை உள்பட பலர் கலந்து கொண்டனர்.
