தருமபுரி,
தருமபுரி மாவட்டம் பென்னாகரம் அருகே மோட்டுப்பட்டி பகுதியைச் சேர்ந்தவர் சுந்தரம் (வயது75). கட்டிட மேஸ்திரியான இவர்
நேற்று முன்தினம் தனது ேமாட்டார் ைசக்கிளில் மோட்டுப்பட்டியில் இருந்து பென்னாகரத்திற்கு சென்றார்.
அப்போது அவர் அரசு போக்குவரத்து கழக பணிமனை அருகே வந்தபோது அந்த வழியாக சென்ற மினிவேன் ஒன்று சுந்தரம் ஓட்டி சென்ற மோட்டார் சைக்கிள் மீது மோதியது. இதில் தூக்கி வீசப்பட்ட அவர் பலத்த காயம் அடைந்தார். உடனே சுந்தரத்தை அக்கம்பக்கத்தினர் மீட்டு சிகிச்சைக்காக பென்னாகரம் அரசு ஆஸ்பத்திரியில் சேர்த்தனர். பின்னர் மேல் சிகிச்சைக்காக அவரை பெங்களூருவில் உள்ள தனியார் ஆஸ்பத்திரியில் உறவினர்கள் சேர்த்தனர். அங்கு சிகிச்சை பெற்று வந்த சுந்தரம் நேற்று சிகிச்சை பலனின்றி உயிரிழந்தார்.
இந்த சம்பவம் குறித்து தகவலறிந்த பென்னாகரம் போலீசார் வழக்கு பதிவு செய்து விபத்தை ஏற்படுத்திய வேன் டிரைவரை தேடிவருகின்றனர்.
