கீரனூர்,
புதுக்கோட்டை மாவட்டம் கீரனூர் மற்றும் சுற்றுவட்டார பகுதிகளில் கடந்த 2 நாட்களாக இடியுடன் கூடிய கனமழை பெய்து வருகிறது. இந்நிலையில் கீரனூர்அருகே உள்ள குளத்தூர் கடை வீதியில் உள்ள மின்மாற்றியில் இடி விழுந்தது. இதனால் மின்சாரம் துண்டிக்கப்பட்டு கிராமம் முழுவதும் இருளில்் மூழ்கியது. இதையடுத்து உடனடியாக கீரனூர் கோட்ட மின்வாரிய ஊழியர்கள் மாற்று ஏற்பாடுகள் செய்து மின்சப்ளை செய்தனர். மேலும் இடி விழுந்து பழுதான மின்மாற்றியை ஊழியர்கள் சீரமைத்து முழுமையாக மின்சாரம் கிடைக்க செய்தனர்.
