ஆலங்குடி:
ஆலங்குடி அருகே உள்ள வடவாளம் ஊராட்சியில் கால்நடை மருத்துவ முகாம் நடைபெற்றது. மருத்துவ முகாமிற்கு வடவாளம் ஊராட்சி மன்ற தலைவர் அருள் சிறுமலர் ஞானபிரகாசம் தலைமை வகித்தார். வடவாளம் கால்நடை மருத்துவ அலுவலர் தெட்சிணாமூர்த்தி முன்னிலை வகித்தார். இந்த முகாமில் 200க்கும் அதிகமான கால்நடைகளுக்கு கோமாரி நோய், அம்மை நோய் சினை ஊசிகள் போடப்பட்டது. தொடர்ந்து சிறந்த மாடு வளர்ப்போருக்கான பரிசுகள் மற்றும் சான்றிதழ்கள் வழங்கப்பட்டது. இம்முகாமில் அப்பகுதியை சுற்றியுள்ள ஏராளமான கால்நடைகள் கலந்து கொண்டன.
