விழுப்புரம்:
விழுப்புரம் மாவட்டம் திருவெண்ணைநல்லூர் பேரூராட்சி 11-வது வார்டில் உள்ள சிறு மின்விசை இரைப்பான் பழுதடைந்ததை சரி செய்ய கோரி அந்தப் பகுதி மக்கள் பேரூராட்சி மன்ற தலைவர் அஞ்சுகம்கணேசனிடம் கோரிக்கை வைத்தனர். உடனடியாக பேரூராட்சி மன்ற தலைவர் அஞ்சுகம் கணேசன் மின்மோட்டாரை பழுது பார்க்கும் ஊழியர்களை அழைத்துச் சென்று மின் மோட்டாரை உடனே பழுது நீக்கம் செய்து பொதுமக்களுக்கு குடிநீர் வழங்கினார். அதனால் அந்தப் பகுதி மக்கள் பேரூராட்சி மன்ற தலைவருக்கு பாராட்டு தெரிவித்தனர்.
அப்போது அவருடன் தி.மு.க. நகர செயலாளர் பூக்கடைகணேசன், அம்சவள்ளிராஜேந்திரன், டி.கே.எஸ் செந்தில்முருகன், அரங்கராஜன், வார்டு செயலாளர் ரமேஷ் ஒன்றிய பிரதிநிதி பிரபாகரன் ஆகியோர் கலந்து கொண்டனர்.
